Opinion: Más disfras; Matrimonio pa port’i cushina

Opinion: Más disfras; Matrimonio pa port’i cushina

Posted on 02/14/2023 9:07 am AST | Updated on 02/14/2023 9:09 am AST

Scirbi pa Max Robert, partido CURPA

Con cu nan kier yam’e: “amienda” “union” “derecho”  “concubinato” “acuerdo” … y con cu nan realis’e, e ta un plan diabolico directamente contra e institucion más importante cu Dios a stablece den Su Palabra. 

Por ende, E TA UN DECISION CONTRA DIOS MES.  (peligroso). 

Tur Loke cu Dios Tata Todopoderoso a crea e diablo kier pervertí …

MEP, awo ta buscando un manera pa suavisa cos y duna parehanan di mes sexo derecho, sin cu e partido perde popularidad. 

Nos ta den campaña SHONAN, wak pa niun hende ganja boso atrobe.

Tur intento pa pasa ley of leynan humano cu ta legalisa pa hende di mes sexo biba cu otro, ta contra e idea y institución original cu Dios a stablece. 

Bíblicamente, no ta permití absolutamente pa Hende di mes sexo biba cu otro den concubinato cu e mes of mas benefishinan di un matrimonio formal. 

Haciendo esey Ta Djies un otro Nomber a dun’e. 

MATRIMONIO PA PORT’I CUSHINA.

Y si nos permiti pa e leynan aki bira realidad nos ta bai tin problema, pasobra e ta habri  porta pa otro leynan mas pio cu esaki bira realidad y cu tur consecuencia cu tin pa cu e famia.

Ta pesei ta importante pa pueblo disidi mas liher cu ayera pa para e movimento aki ya cu tin tres partido chikito cu ta den parlamento actual, hunto cu e dos grandinan cu ya caba a firma pa cu e agenda di SDG 2030, y nan no lo duda mes pa implementa esaki na Aruba..

Mi kier termina aclariando, cu matrimonio di mesun sexo no ta un derecho humano basa ariba e hecho cu 47 Jueznan di Tribunal Europeo di Derechonan Humano a duna di conose esaki na anja 2007 na Strasburgo, Francia

Pero Si nan a bisa cu ta keda na cada pais si nan kier implementa esaki si of no.

Partido Curpa ta e unico partido politico cu a sa di demostra cu lo keda sali na defensa di e famia manera cu e la wordu institui dor di Nos Creador, Dios Tata Todopoderoso, y lo sigi bringa pa trese ordo y paz bek den cas.

DISCLAIMER: E contenido ta pa responsabilidad di e autor y no ta necesariamente opinion di Noticiacla.com

  • Powered by SETAR