Maduro: CAFt ta contento cu Aruba pero kier atencion pa algun risico cu nan ta wak

Posted on 02/13/2023 11:10 am AST | Updated on 02/13/2023 11:10 am AST

ORANJESTAD – E colegio di supervision financiero pa Aruba CAFt ta satisfecho pa mira cu Presupuesto 2023 lo conoce un surplus y a indica cu di e manera aki Aruba ta cumpli cu e norma financiero stipula den e Protocol di aña 2018. Sinembargo nan ta wak algun risico, pa cual nan ta pidi atencion. Minister di Finanza Xiomara Maduro siman pasa a ricibi bishita y a reuni pa promer bes cu e Presidente nobo sra. Lidewijde Ongeringen hunto cu demas miembro di e Colegio y Secretariado di CAFT.

E REUNION

Durante e reunion a trata varios topico, entre nan, Presupuesto 2023, cuentanan anual, refinanciamento di debe cu su gasto di interes, 'compliance' riba tereno di impuesto y inversion. Minister Maduro a repasa e puntonan di agenda y a brinda un splicacion di kico tur ta wordo haci pa adresa e puntonan di preocupacion cu CAFT a trece dilanti.

PRESUPUESTO 2023 CU 'VOORJAARSNOTA'

Pa Presupuesto 2023, por menciona cu ta trahando riba un 'Voorjaarsnota' den cual pa promer bes na Aruba, Parlamento lo wordo informa na comienso di aña presupuestario di cambionan den maneho cu ta hiba na cambio den e cifranan presenta den presupuesto. Te cu awo a traha cu 'Najaarsnota' so y awo cu e cambio aki, Parlamento na un forma adelanta ta haya un bista riba cambionan cu ta necesario, locual ta fortifica nan control. E 'Voorjaarsnota' ta premira pa keda presenta na fin di e promer kwartaal.

CUENTANAN ANUAL PAIS ARUBA 2019 Y 2020

Na e momentonan aki segun Maduro, trabounan ta wordo haci pa por finalisa e Cuentanan Anual di Pais Aruba pa aña 2019 y 2020. Tin un retraso grandi a tuma luga debi na trabounan prioritario cu mester a tuma luga na Departamento di Finansa pa atende cu e pandemia. Gobierno a laga algun trabou tuma luga cu experticio di sector priva, y eynan tambe a surgi retraso cual a trece mas tardansa. Ta premira cu den e promer kwartaal lo keda cla cu Cuenta Anual 2019 y den segundo kwartaal esun di aña 2020 lo por ta cla.

REFINANCIAMENTO DEBE

Pa locual ta trata e refinanciamento di e debe di 5,8 biyon florin di nos Pais, tin dos punto di atencion, e condicionnan di pago pa e debe di 916 miyon florin cu Hulanda, y e refinanciamento di e debe comercial di Aruba. Den luna di februari lo cuminsa e reunionnan entre Aruba y Hulanda pa asina por stipula e condicionnan pa e pago di e 916 miyon florin cu Aruba a fia di Hulanda pa surpasa e pandemia. Den e ronda aki ta di sumo importancia tambe pa papia riba e refinanciamento di e debenan comercial di Aruba, ya cu den corto plazo mas di mita di e debenan aki mester keda paga. A base di e capacidad di pago di Aruba lo mester yega na palabracion pa paga e debe bek y hunto cune e peso di e interes den e decada nos dilanti.

IMPUESTO Y 'COMPLIANCE'

Di e Plan di Impuesto 2023 y 'compliance,' por bisa cu esaki a drenta na vigor y trabounan ta wordo haci pa fin di februari por tin un concepto di ley pa introduci BBO na frontera. Esaki ta premira di bay yuda grandemente riba e tereno di 'compliance.' Banda di esaki den e promer kwartaal Aruba lo haya yudansa di IMF/CARTAC pa asina adresa 'compliance' den, entre otro, e sector di turismo na nos Pais.

INVERSION

Grado di inversion na Aruba door di Gobierno ta keda un problema di capacidad pa por 'commit' e fondonan disponibel na e proyectonan di inversion cu ta keda selecta via un sistema di aprobacion inparcial pa Departamento Economico. Bou di e capa di e trabounan pa por cumpli cu Landspakket tema A, ta trahando pa por delinea un cuadro multi-annual pa inversionnan necesario pa Aruba.

BON COMUNICACION TA ESENCIAL

Na final di reunion Minister Maduro a enfatisa cu e bon comunicacion entre e Secretariado di CAFT y Departamento di Finansa ta esencial pa asina nan por keda bon na altura di e trabounan cu ta wordo haci pa por mehora e maneho financiero di nos Pais. Pa e motibo aki na Aruba ta purba canalisa tur informacion den direccion di CAFT mas tanto cu ta posibel fo'i Departamento di Finansa.

Minister na Merca ta lobby cu banconan pa fia 160 miyon dollar
WASHINGTON – Minister di finanza di Aruba Xiomara Maduro a cuminsa lobby cu varios banco Mericano e siman aki, pa logra haya un fiansa di 160 miyon dollar. E mandatario a confirma cu e ta na Merca pa ‘atende e IMF Spring Meetings na Washington DC’, unda cu e ta ‘probecha pa reuni cu diferente banco pa por haci e preparacionnan necesario pa Aruba por subi mercado internacional pa por cubri e necesidad financiero di Aruba’. Algun di e banconan cu e mandatario a lobby cu ne pa purba haya fianza, ta JP Morgan, Standard Charter, Citi Group y Santander. Durante e lobbymento, e tin cu convence e institutonan financiero di tur loke ta pasa na Aruba y pa prueba cu Aruba tin un ‘stabilidad financiero cu ta brinda e confiansa na inversionista’. Segun e mandatario, e ta un suma cu ta wordo ‘refinancia’ di e debenan internacional existente cu ta madura. ‘ Como ta refinancia, esaki no lo crece e debe di Pais Aruba’, e mandatario a sigura bisando.
Mas Politica
Lesa Mas
Wever: Fin di di dos cuartaal 2024, centro di Oranjestad ta haya mas luz
ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.
Mas Politica
Lesa Mas
Minister Glenbert Croes a sobrevivi un mocion di desconfiansa
ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Mas Politica
Lesa Mas
Partido MAS a entrega mocion di desconfiansa contra minster Glenbert Croes
ORANJESTAD – Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Mas Politica
Lesa Mas
Mas di 2 mil habitante di Aruba, Corsou y St Maarten por vota den eleccion parlamentario Europeo
DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon.
Mas Politica
Lesa Mas
Diamars minister tin cu duna cuenta na Parlamento riba imigracion
ORANJESTAD – Diamars awor minister Glenbert Croes mester duna cuenta na Parlamento riba e asunto di imigracion na Aruba. E reunion ta solicita riba peticion di parlamentario Marisol Tromp cu a haci e peticion for di februari 2025. “Porfin Minister a haña un buraco den su agenda cu yen di biahe pe bin di transito Parlamento Di Aruba pe reunion publico publico” Tromp a reaccion bisando. “Ya ta 1 aña y 2 luna pasa cu nos a pidi pa Minister Glenbert Croes bin Parlamento tocante su maneho ineficiente, intransparente y frustrante riba immigracion aki na Aruba. Nos a pidi pa un reunion publico, fei 15 di Februari 2023” Tromp a sigui bisa.
Mas Politica
Lesa Mas