Tjon: Comisario di polis Hassell ta bandona KPA y ta reforza Ministerio di Husticia

MACUARIMA – Conocido comisario di polis Trudy Hassell ta bandona Cuerpo Policial (KPA) un biaha mas y ta bay traha na Ministerio di Husticia. Diaranson, minister di Husticia Rocco Tjon a confirma e informacion aki na Noticiacla.com . “Despues cu Sra. Hassell y Altocomisario a haci cierto palabracionan, y nos tambe a hiba algun conbersacion cu sra. Hassell, nos a dicidi conhuntamente cu e lo bay duna su aporte na nos Ministerio den cuadro di diferente proyectonan riba ambos e tereno  hudicial y social” tabata e reaccion di e mandatario di Husticia. Sra Hassell prome cu su funcion actual, tabata encarga cu Guarda Nos Costa y prome cu esey director di KIA. Y prome cu esey e tabata caba den leiding di polis na KPA.