- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Wever: UN lo asisti Aruba y region Caribense den avansa desaroyo sostenibel
ORANJESTAD – Nacionan Uni (UN) lo asisti Aruba y region Caribense den avansa desaroyo sostenibel. Manera ta conoci, Aruba a ricibi un delegacion di diferente organisacionnan di United Nations cu ta acompañando e Resident Coordinator a.i. di United Nations pa Aruba, Corsou, St. Maarten, Trinidad & Tobago y Suriname, sr. Dennis Zulu den su bishita na Aruba.
E meta di e bishita di United Nations (UN) tabata pa fortifica e partnership entre e ‘Dutch Islands UN Country Team y Gobierno di Aruba y pa inventarisa e prioridadnan di desaroyo di Aruba pa alinea esaki cu e cooperacion regional den e Multi-Country Sustainable Development Cooperation Framework pa avansa e Agenda 2030 pa desaroyo sostenibel.
Como Minister di Desaroyo Sostenibel, mr. Geoffrey Wever, a hiba palabra den e meeting di mainta entre United Nations y representantenan di sector publico.
Wever ta indica cu desde cu Aruba a compromete na 2015 pa avansa Agenda 2030 pa desaroyo sostenibel, diferente iniciativanan nacional a bin pa produci maneho y ehecuta proyecto y actividadnan di parti di gobierno, sector priva, mundo academico y organisacionnan di sociedad civil.
Segun e mandatario, Aruba a bin ta haci progreso den implementacion di Sustainable Development Goals (SDGs), pero tin retonan pa enfrenta den esaki, cual ta entre otro e necesidad di datos di calidad pa tuma decision y monitorea esaki y e recursonan financiero y personal limita.
Pa atende cu e reto di datos di calidad pa formula y monitorea maneho y desaroyo sostenibel, manera ta conoci, Minister Wever ta implementando e Sistema Nacional di Estadistica (Nationaal Statistisch Systeem - NSS) cual ta un instrumento esencial den bon gobernacion. Datos confiabel y obhetivo mester ta e base di maneho di un gobierno.
Representante di United Nations Economic Commission for Latin America and the Caribbean, dr. Abdullahi Abdulkadri, a elogia Aruba cu e implementacion di e NSS, cual ta un instrumento esencial pa guia un pais y pa tin un publico bon informa abase di datos confiabel.
“Gobierno mester traha hunto di manera coordina cu partnernan strategico nacional y internacional pa atende nos retonan den avansa desaroyo sostenibel na Aruba", minister Geoffrey Wever ta conclui.
Hulpbestuurkantoor San Nicolas ta cera riba awe pa mantencion
ORANJESTAD - Hulpbestuurskantoor (oficina auxiliar di gobierno) =a informa tur su clientenan cu nan oficinanan ta cera riba awe, diabierna 24 di maart 2023 en conexion cu mantencion y upgrade di nan sistema di ICT.
Maduro: Pa prome biaha gobierno lo presenta 'Voorjaarsnota' na Parlamento
ORANJETAD - Pa prome biaha gobierno lo presenta 'Voorjaarsnota' na Parlamento. E siman aki Minister Xiomara Maduro di Finansa a reuni cu Departamento di Finansa pa asina repasa e detayes di locual ta bira e prome 'Voorjaarsnota,' un 'Nota di Comienso di Aña' den cual Parlamento na comienso di aña caba ta wordo informa di e cambionan den Presupuesto.
Video: Ex minister Otmar Oduber ta lanta caso di defamacion contra politico Booshi Wever
ORANJESTAD – Ex minister y actual comerciante Otmar Oduber ta bay lanta un caso di defamacion contra politico Booshi Wever. Asina e ex politico a bisa den e programa Noticiacla LIVE dialuna atardi. Un di e temanan tabata e keho cu Wever a entrega contra dje algun aña pasa, y despues siman pasa a opta pa bay Hof pa protesta decision di Ministerio Publico pa no kier a persigui Oduber. Den e video adhunto, Oduber ta splica su motivacion.
Video: Do Nacimento: Ainda no a haya disculpa di Mike de Meza
ORANJESTAD – Te cu ora cu e program Noticiacla LIVE a bay den aire (en bibo) dialuna anochi cu e parlamentario Ryçond do Nacimento como invitado, no tabatin un disculpa publico di parti di colega di partido Mike de Meza na su persona y colega Gerlien Croes pa e loke de Meza a bisa den e reunion publico siman pasa den Parlamento riba e caso Tofanelli y despues den un entrevista na radio den programa Enfoke.
Prome grupo di polis a ricibi nan ‘bullet proof vest' porfin
ORANJESTAD - Awe tardi, na un manera symbolico, hunto cu Alto Comisario Sr. Ramon Arnhem, minister di husticia Rocco Tjon a haci entrega di e "bullet proof vest" na coleganan di KPA. Segun e mandatario, e prome cargacion di 200+ vest a yega Aruba y lo ser reparti bou e coleganan e dianan nos dilanti. E restonan ya caba a wordo transporta pa Aruba.
Dos minister di Aruba lo atende conferencia di awa na Nacionnan Uni e siman aki
ORANJESTAD - Prome Minister Evelyn Wever - Croes a informa cu e siman aki lo atende e conferencia “Un 2023 Water Conference” cu lo tuma luga na New York. Un tema relevante cual Prome Minister lo ta atende conhuntamente cu Minister Ursell Arends di 22 pa 24 di maart, pa trata entre otro desaroyonan di awa mundialmente y nan efecto riba Aruba.
Follow NoticiaCla
