Famia Real a ‘steal the show’ riba boto FRISC durante nan biahe riba Ms Holland pa Corsou

ORANJESTAD/WILLEMSTAD – E Famia Real a biaha di Aruba pa Corsou diaranson riba e barco di guera Hulandes Zr.Ms. Holland y durante e biahe, e famia a haya demonstracion di e capacidad di e personal a bordo. Un di e momentonan cu mas a haya atencion ta ora cu e famia a core den e boto conoci como FRISC, y e potret practicamente a bay viral. Abordo e famia a haya splicacion di e trabounan di e personal, completo cu un ‘rondleiding’ y demonstracion. Durante un almuerzo abordo, e famia a papia cu e militarnan riba nan tarea abordo. E barco a sufri un retraso chikito debi cu un di e motornan lo a daña y cu a pone cu mester a bay riba un velocidad un poco mas lento. Envez di yega 4’or y mei, e barco a yega te 6’or y mei di atardi. Esey no a kita e entusiasmo di esnan cu tabata warda riba waf. Potretnan ta cortesia di Defensa Hulandes.