- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Ex politico critico fuerte di Aruba y Corsou lo purba a un comeback den politica Hulandes
DEN HAAG – Despues di tabata ausente for di politica pa casi dos aña, e conocido politico Andre Bosman ta haci un intento na mei pa drenta bek, pero e biaha aki como miembro di Eerste Kamer pa partido VVD. Su mencion ta interesante debi cu semper e tabata hopi vocal riba asuntonan di Reino Hulandes, y tabata un di e criticonan mas grandi riba gobiernonan di Aruba y Corsou. Y como miembro di e partido na mando, (VVD), e tabata instrumental riba conseha e partido riba e tereno aki. Di 10 di juni 2010 pa 31 di maart 2021 e la fungi como miembro di Tweede Kamer, y tabata vocero pa su partido riba asuntonan di Reino. E la bandona politica na maart di 2021 y a drenta sector priva. E tabata antes un instructor di avion y piloto pa Marina Hulandes, staciona tambe na Afghanistan.
Studiantenan di Caribe awor por haña un 'BSN' prome cu yega Hulanda
DEN HAAG - Conseho di Minister di Hulanda diabierna a aproba cambio di e Decreto registracion basico di persona (Besluit basisregistratie personen) di tal forma cu awor studiantenan di Caribe por haña un BSN mesora despues cu nan entrega un peticion pa finansiamento di estudio via DUO. Esaki ta bira posibel dor di inskribí e studiantenan aki temporalmente komo no-residente den e BRP. Alexandra van Huffelen, secretario di estado di Relashonnan den Reino di Digitalisashon (BZK) a entregá e desishon den konsulta ku e minister di Enseñansa, Kultura i Siensia. Ku esaki e ta ehekutá e ambishonnan di e gabinete pa duna studiantenan di Boneiru, Saba i Sint Eustatius, Aruba, Kòrsou i Sint Maarten un BSN promé ku nan yega Hulanda. Ta entregá e desishon serka Raad van State pa konseho.
TUI na Hulanda: Mercado di Merca ta pone presion riba disponbilidad di camber na Aruba
AMSTERDAM - E forsa di e mercado di Estados Unidos, mester bisa cu ta pone presion riba e disponibilidad di camber na cierto tarifa pa mercadonan Europeo y Latino Americano. No obstante esaki A.T.A., AAA y diferente hotelnan ta sigui pusha y ta realisa e importancia di tin un portfolio di mercadonan diversifica pa Aruba. Esaki a keda estableci durante un reunion cu ATA y AAA (Aeropuerto di Aruba) tabatin recientemente cu TUI na Hulanda.
YOU Anniversary 2023 a celebra 4 hubilario di A.T.A. na Europa
AMSTERDAM - Despues cu na november 2022 A.T.A. a honra hubilarionan di ekipo na Aruba, a toca e turno pa celebra YOU Anniversary 2023 na Europa. YOU Anniversary ta e nomber di e celebracion cu ta haci pa honra empleadonan cu ta cumpli lustronan cu A.T.A. E biaha aki conmemora aniversario di Sharmin de Vries, Caresse Imon- Dabian, Jaap Ellis y Tirso Tromp.
Ministerio Publico na Hulanda ta spera mas detencion den caso di asesinato di Peter R. de Vries
AMSTERDAM – Ministerio Publico Hulandes ta spera detencion di un sospechoso mas den caso di asesinato contra e periodista Peter R. de Vries cu a sosode dos aña pasa. Asina nan a bisa durante un caso di preparacion na Amsterdam. Esey ta pone e cantidad di detenido na 9.
Gabinete Rutte ta prohibi TikTok riba telefon di trabou di ambtenaarnan di Reino
DEN HAAG – Ambtenaarnan di Reino dentro di poco no por tin e aplicacion ‘TikTok’ riba nan telefon di trabou mas. Asina secretario d estado van Huffelen a informa Tweede Kamer den un carta. E prohibicion por sosode per direct. Riba termino cortico, telefonan cu ambtenaarnan ta haya di gobierno, lo ta instala di tal forma cu solamente cierto tipo di aplicacionan por wordo instala riba e teelfon. Esey kier men cu appsnan sensitivo pa spionahe lo no wordo permiti mas. Tin 140 mil ambtenaar di Reino, pero no ta conoci cuanto di nan tin telefon di gobierno.
Hungador di Hulanda van Uunen ta hunga pa Aruba den Nations League
AMSTERDAM – E futbolista Hulandes professional Jeremy van Uunen ta contento cu e por uni cu e seleccion di futbol di Aruba dentro di poco y haci su debut. E atacante di e seleccion di Westlandia ta pasa proximo temporada pa SC Feyenoord y cu 13 goal e tin un fuert temporada. Dia 22 di maart e ta sali pa Aruba pa participa den weganan di Nations League. Aruba ta hunga contra St Kitts & Nevis pa e victoria di e poule.
Follow NoticiaCla
