San Nicolas tabata centro di atencion di Famia Real dialuna atardi

ORANJESTAD – Un di e bishitanan planea di Famia Real dialuna tabata un bishita na San Nicolas den e parti atardi, unda cu nan a bishita Filomena College, presencia varios presentacion cultural dilanti Nicolas Store, sigui pa un bishita na e muralnan cu ta enrikese San Nicolas grandemente. Tambe nan a bishita un museo y cana den cayanan di San Nicolas, unda cu a cuminda varios persona den cercania. Contrario na Playa, no tabatin necesidad di baricada y tur hende tabata para trankil y warda e Famia Real pasa. E bishita ta continua diamars na Parke Arikok, Stadion Frans Figaroa y Plaza Padu. Potretnan ta di Noticiacla combina cu algun di RVD.