Ex minister Oduber kier pa OM sea trata e caso Flamingo of seponer e pero haci algo!

Ex minister Oduber kier pa OM sea trata e caso Flamingo of seponer e pero haci algo!

Posted on 01/27/2023 3:30 pm AST | Updated on 01/27/2023 3:32 pm AST

ORANJESTAD – Argumentando cu e investigacion riba e caso Flamingo a cera of lo mester a cera, ex minister Otmar Oduber e siman aki a bay prensa pa publica un serie di documento cu e meta pa splica su banda di medaya di e caso, y pa di un forma posiblemente wak si OM por a sea pone un fecha pa trata e caso of seponer esaki. Segun e ex mandatario, e ta cansa di e caminda di 3 aña cu e la pasa aden, cu e no merece, pasobra e ta inocente di tur acusacion. Un cantidad di por lo menos 7 acusacion cu tabatin contra dje, segun e ex mandatario, a keda masha poco, y cu e rumbo di e caso a cambia asina hopi cu ni por yame pa e nomber original Flamingo, sino algo otro.

ACUSACIONAN

Ora cu a detene, e pregunta grandi e tempo ey tabata riba ki cargo. Despues e la bin tende cu e ta pa estafa, soborno, maluso di funcion, participacion na un organisacion criminal, laba placa y aumento di entrada no hustifica. Tur cos lo a cuminsa cu un procesverbaal traha pa Bureau Criminele Inteligentie (BCI), basa riba,-segun e mandatario -, puro redo. A hasta bisa cu e loke tabatin pa usa contra dje, a wordo bisa cu lo no ta admissible. A haci mencion di algun ehempel, pa prueba su punto. Entre nan, acuse di cosnan cu e lo a haci of tabata envolvi, siendo cu e no tabatin ni e funcion di minister e tempo ey. 

KIA

Un di e puntonan cu segun e ex mandatario a afect’e hopi, ta sue stadia den KIA. Un total di 23 dia cera, y trata manera criminal, no digno di un mandatario e tempo ey. A splica con p.e. tabata tene Razia marduga, pone hende para mitar sunu den jockey hunto cu tur otro hende, cu e ta considera un humiyacion total. 

MINISTER NOBO

Un otro punto treci dilanti ta e guera cu tabatin cu ex colega minister Lopez Tromp, unda cu lo tabatin acusacion contra dje,- sin base segun e ex mandatario -, cual e la presenta documentonan pa prueba esaki tambe durante su conferencia di prensa. Varios acusacion cu tabatin contra dje, segun e ex mandatario, ta sin base, frabica y completamente falso. Y como tal, e no ta mira motibo pa tin mas persecucion y a pidi pa e caso yega na un final, pa e por sigui biba su bida trankil. E ex mandatario no por a bisa si tabatin un fecha pa e caso of si ministerio publico a contesta. 

  • Todd Dandare: Nos no ta cla pa introduci Papiamento como idioma di instruccion na scolnan!

    Todd Dandare: Nos no ta cla pa introduci Papiamento como idioma di instruccion na scolnan!

    ORANJESTAD – Mientras cu e siman aki minister di enseñansa Endy Croes a anuncia cu pa augustus awor ta bay cuminsa cu Papiamento como idioma di instruccion na 1e klasnan, un linguista reconoci na Aruba, Ramon Todd Dandare un siman prome ainda a informa cu nos no ta cla pa esaki. E material tey, pero e docentenan no ta cla pa cuminsa esaki. Asina mes, e ta duna gobierno beneficio di duda, y ta spera cu cos no bay fout cu e introduccion. E ta splica den e fragment ey di e programa Noticiacla LIVE di siman pasa. 

  • A.T.A. a selecta e ganadornan di e Aruba Signature Experience # 3

    A.T.A. a selecta e ganadornan di e Aruba Signature Experience # 3

    ORANJESTAD - E  siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.

  • Celebra Dia di Cero Desperdicio 2024: hunto nos por reduci desperdicio!

    Celebra Dia di Cero Desperdicio 2024: hunto nos por reduci desperdicio!

    ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E 

  • Conseho Hubenil di 131 a bishita Parlamento di Aruba

    Conseho Hubenil di 131 a bishita Parlamento di Aruba

    ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko. 

  • SETAR N.V. a logra recertifica pa e ISO/IEC 27001 version nobo 2022

    SETAR N.V. a logra recertifica pa e ISO/IEC 27001 version nobo 2022

    (ADVERTORIAL)

  • Ocupacion di cama na hospital a baha pero ainda ta keda preocupante

    Ocupacion di cama na hospital a baha pero ainda ta keda preocupante

    ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas. 

  • Zulo
  • Powered by SETAR