Cuerpo policial Aruba ta cla pa ricibi su Mahestad Rey Willem Alexander

Posted on 01/27/2023 10:14 am AST | Updated on 01/27/2023 10:15 am AST

MACUARIMA - For di momento cu Cuerpo Policial Aruba a haya notificacion cu S.M. Rey Willem Alexander, Reina Maxima y Princes Amalia lo bishita Aruba, KPA a cuminsa prepara pa su yegada.

Varios training a sosode caba y asina KPA ta prepara pa nan yegada e siman cu ta bin. Diferente unidad di tanto teamnan special pero tambe uniforma a haci varios ehercisio pa asina ta bon coordina pa e yegada. E prioridad di KPA ta pa percura pa e seguridad di Su Mahestad, Reina y Prinses na Aruba pero tambe cu nan bishita lo ta placentero.

Nos lo tin hopi Polis cu tin a tarea di mantene e orden publico durante e bishita tanto riba tera, lama y den aire.

Cuerpo Policial Aruba ta orguyoso di por carga e responsabilidad di por mantene e seguridad di Su Mahestad, Reina y Princes na Aruba.    

  • Warda Costa y KPA a intercepta boto cu 5 indocumenta drentando Aruba

    Warda Costa y KPA a intercepta boto cu 5 indocumenta drentando Aruba

    ORANJESTAD - Ayera den oranan di anochi Kustwacht y KPA ta detecta un boto drentando awanan territorial di Aruba. Den cuadro di bon cooperacion y cu bon coordinacion KPA y Kustwacht a logra intercepta un boto cu tawata tin for di direccion di Venezuela cu intencion pa drenta Aruba. Pa a logra stop e boto personal di Wardacosta mester a los algun tiro di advertencia. Abordo di e boto tawata tin 5 hende homber di nacionalidad Venezolano.

  • KPA: Homber cu a ricibi maltrato severo na San Nicolas na januari, a fayece

    KPA: Homber cu a ricibi maltrato severo na San Nicolas na januari, a fayece

    MACUARIMA - Awe madruga drenta informacion for di hospital cu e homber Michael R.V. Kock (49) cu a ricibi maltrato severo na San Nicolas na januari, a fayece. Ta trata di e caso di dia 22 januari 2023 unda cu Kock a bira victima den Sint Maartenstraat na San Nicolaas. Na e occasion ey, manera ya relata, Kock a wordo severamente maltrata dor di dos homber.

  • KPA: Dos persona deteni pa traficacion di hende

    KPA: Dos persona deteni pa traficacion di hende

    ORANJESTAD - Despues di un investigacion di mas o menos dos aña dirigi riba traficacion di hende, recherchenan di Unit Mensenhandel-Mensensmokkel a detene dos persona riba 13 y 14 di maart ultimo. 

  • Sub Inspector Nadal temporalmente a keda apunta como hefe di Guarda Nos Costa

    Sub Inspector Nadal temporalmente a keda apunta como hefe di Guarda Nos Costa

    ORANJESTAD – E conocido subinspector di polis Haydee (Suzy) Nadal a confirma awe mainta na noticiacla.com cu pa un periodo temporal, cuminsando awor na Maart, e ta bira e proximo hefe di Warda Nos Costa. Cu esaki e ta reemplaza Richard Kramers cu a tene e funcion aki. A pone Kramers un banda, cu mientrastanto a inicia un serie di caso contra gobierno relaciona cu su situacion laboral eynan. A acuse di no ta integro mas pa e funcion debi na dos caso cu lo a sosode. E la bringa algun caso caba y gana esaki, pero ta falta un caso mas cu tin cu determina si enberdad Kramers ta integro of no. Na 2020 Kramers a tuma e funcion despues cu Trudy Hassell a entrega su retiro di e funcion ey, cu e la tene for di 2018. No ta conoci te ki tempo sra Nadal, cu actualmente ta dunando les na Scol di Polis, lo ocupa e funcion aki. E por a bisa solamente cu ta ‘temporal’. 

  • Cuater militar Hulandes tin cu responsabilisa nan mes awe pa vandalismo riba cabay blauw

    Cuater militar Hulandes tin cu responsabilisa nan mes awe pa vandalismo riba cabay blauw

    ORANJESTAD – Un total di 4 militar Hulandes mester responsabilisa nan mes pa vandalismo cometi na Aruba durante nan bishita. “Mi por confirma cu ta trata di 4 militar cu no ta station ana Aruba y/of Savaneta (Kamp) y cu nan lo wordo scucha awe pa Marechausee” Comandante Tim van Wijk a confirma dialuna na Noticiacla.com. Mas informacion no por a suministra y a dirigi pa vocero di departamento di defensa. 

  • Cuerpo Policial Aruba a despedi di ex hefe interino districto San Nicolas

    Cuerpo Policial Aruba a despedi di ex hefe interino districto San Nicolas

    MACUARIMA -  Cuerpo Policial Aruba a despedi di ex hefe interino districto San Nicolas  Andy Young. E la drenta Cuerpo Policial Aruba dor di empuge di su mesun colega Sr. Honory Eights. Desde su entrada e la huramenta riba 31 december 1984. E ultimo klas formando parti di Antiyas Hulandes prome cu Aruba a drenta Status Aparte.  For di 1984 su carera policial a inicia y for di e momento aki ela traha na diferente departamento di polis. Su ultimo funcion tabata como hefe interino districto di San Nicolas. Ademas Sr.Young tabata responsabel pa e team di VIP y tambe ta forma parti di Commisie Korpsviering.

  • Varadero
  • Powered by SETAR