Croes: ATA tin desafio cu reduccion di su presupuesto anual di 9.5% pa 7.1%

ORANJESTAD –  Tabata durante e presentacion di oficina di turismo di Aruba haci na prensa diaranson mainta di e plannan pa e.o. 2023, unda cu e CEO Ronella Croes e biaha aki, los di e acostumbrado cifra y plannan, no a sconde e retonan y desafionan cu nan tin aworaki, por ehempel porta esun mas fuerte cu ta e recorte den e presupuesto di ATA, for di 9.5% pa  7.1% pa 2023. Segun e CEO Ronella Croes, e ta sigura cu a haci tur esfuerso cu splicacion necesario pa no toca e presupuesto, pero na final toch a opta pa corta esaki. Y esaki cu a aumenta e impuesto di 9.5% pa 12.5%. Si antes ATA tabata haya esaki completamente, aworaki e ta haya apenas 7.1% di e suma aki. Cu esaki, e tin cu bay traha awor pa sigura cu Aruba ta keda bon representa y cu e oficina por tin su logronan necesario. Den e dianan cu ta bin, lo tin mas informacion riba e forma con ATA y e CEO tin pensa di atende cu e retonan nan dilanti, incluyendo e parti financiero.