Prefinals di Aruba Caiso & Soca Monarch 2023 ta disponibel riba YouTube y via Telearuba
ORANJESTAD - E Prefinals di Aruba Caiso & Soca Monarch 2023 a tuma lugar na november 2022. Un concepto nobo, pa duna cada produccion mas tempo pa resona prome cu e anochi final di e festival y competencia musical mas grandi di nos isla.
E formula aki ta dunando su frutonan, mirando e acogida cu varios cancion ta ricibiendo caba. Esaki lo resulta den un miho ambiente durante paradanan di Carnaval, pero tambe lo fortalece e posicion di e genero di musica Soca y genero di Caiso den nos cultura. Generonan di musica Caribense cu ta mundialmente reconoci, sin ta necesariamente limita na un temporada di anja.
Esnan cu no a logra ta presente na e Prefinals na Centro di Bario Dakota, Centro di Bario Playa Pabao y Centro di Bario Brazil, por subscribe na e YouTube Channel www.youtube.com/arubacaisoandsocamonarch 3647. Aki por mira y scucha cada artista cu a participa na e Prefinals di Aruba Caiso & Soca Monarch 2023.
Stichting Musica ta gradici Telearuba pa e grabacion di Prefinals y ta informa cu e Prefinals lo wordo transmisti riba diabierna, 20 di januari pa 7 PM y diasabra, 21 di januari pa 2:40 PM na television via canal 13.
Di e forma aki, tur hende por cera conoci cu e finalistanan cu a logra pasa pa e anochi final di Aruba Caiso & Soca Monarch, cu lo tuma lugar riba diasabra, 28 di januari 2023.
Stichting Musica ta gradici Setar NV, Ban Serio (un iniciativa di Aruba Tourism Authority), Aruba Bank, Aruba Airport Authority, Balashi, Telearuba y Elite Productions & Entertainment pa haci Aruba Caiso & Soca Monarch 2023 posibel.
Chendel Beamont a bira Rey di Tumba 2023 di Aruba
ORANJESTAD - Chendell Beaumont a keda corona como e Rey di Tumba di Aruba pa 2023 cu su tumba 'Ata mi aki. Compositor: Chendell Beaumont, Areglista: Raul Piar, Banda: Rincon Boyz Suona
E secuencia oficial di participacion di Festival di Tumba pa diasabra ta conoci
ORANJESTAD – E secuencia oficial di participacion di Festival di Tumba pa diasabra ta conoci cu lo tuma lugar den Balashi Square Garden.
KWF: Caminata Sunrise riba dia Mundial di Cancer
ORANJESTAD - Riba dia mundial di cancer, dia 4 di februari 2023, e Sunrise Walk ta wordo organisa pa e pueblo di Aruba. E participacion ta completamente gratis.
Aruba a conoce su ganador di Caiso y Soca Monarch Festival 2023
SAN NICOLAS – Awe diadomingo pa 5’or y mei, Aruba a conoce su Caiso y Soca Monarchs, den persona di Carl "Galloway Jr" Roosberg y Jair “Casper” Dijkhoff respectivamente. Mientras cu e ganador di Caiso ta un veterano, e ganador di e Soca a resulta di ta un ‘rookie’, di apenas 20 aña di edad, esta Casper. E resultado completo ta esaki:
Aruba a conoce su Reina Grandi y Sra Carnaval pa 2023
ORANJESTAD – Diadomingo anochi riba Plaza Betico Aruba a conoce su Reina Grandi di Carnaval 69, y su Sra Carnaval den persona di Adrianne Jacobs, representando Royal Carnival Group y Geraldine Albertsz, representando Colegio EPI respectivamente. E interes e aña aki tabata hopi pober unda cu pa Reina Grandi tabatin apenas 3 candidata, y pa Sra Carnaval apenas 2. Custumber ta bisa cu e ganadora di e certamen di Reina di Carnaval, su grupo ta habri e parada.
Aruba tin su ganadornan di Tumba y Roadmarch pre infantil, infantil, y hubenil pa 2023
ORANJESTAD – Diabierna anochi Aruba a conoce su ganadornan di Tumba y Roadmarch pre infantil, infantil, y hubenil pa 2023. Potret ta cortesia di AribaAruba Media
Follow NoticiaCla
