ORANJESTAD – Aruba un biaha mas ta luci den lista di beachnan mas miho internacional e siman aki. E portal theplanetd.com a publica un lista di 21 beach internacional, cu ta cubri literalmente henter mundo, for di Australia pa Aruba. Den e caso aki Aruba a keda na di 2 lugar, despues di Nungwi Beach na Tanzania, y e lista ta caba cu #21 cu ta Elafonissi Beach na Grecia. E enfoke di e portal tabata pa sinti e sentimento special pa yega un beach bunita. Ta papia di Eagle Beach como un di e beachnan mas bunita di mundo. Ta mustra cu mientras cu tin mas beach bunita, esaki ta resalta pa su color blanco y e awa cristalino blauw. Ta haci mencion tambe di su proteccion marino, y cu e ta un area pa bestia manera Tortuga di lama. “Mientras cu e ta relativamente turistico, e beach ta mantene su identidad natural y ta un necesidad pa bishita esaki, ora bo ta na Aruba” e articulo ta finalisa bisando.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.
ORANJESTAD - Association of Aruban Realtors (AAR) despues di un reunion cu AFTA a revoca su Commission Guidelines. E guidelinenan aki ta limita competencia den prijs entre intermedario, y esey a base di e Ordenanza encuanto Competencia (Mededingingsverordening; AB 2020 no. 103) ta prohibi desde 1 di januari 2024. A traves di e revocacion di e guidelinenan aki ta kita e limitacion pa competencia den prijs, loke por conduci na tarifa mas abao. Esey ta faborabel pa consumido y empresa cu ta haci uzo di servicio di intermediario. Pa motibo di e revocacion rapido di e guidelinenan di parti di AAR y e tempo corto desde cu e Ordenanza encuanto Competencia a drenta na vigor, AFTA a para su investigacion encuanto AAR y su miembronan.
ORANJESTAD – Entre e hotelnan existente y esnan nobo cu tin habri e aña aki ainda, mester tin 1500 trahado den aña 2024. Y esey ta pa hotel so. Asina e CEO y Presidente di AHATA Tisa LaSorte a bisa den e programa Noticiacla LIVE diahuebs anochi. Por wak e fragmento ey di e programa AKI.