Oranje Fonds ta busca iniciativanan exitoso di bario pa Appeltjes van Oranje 2023

AMSTERDAM - Oranje Fonds ta inicia awe cu buskeda di proyektonan special cu por bini na remarke pa un Appeltje van Oranje 2023. E aña aki e tema ta Motivador Constructivo : iniciativanan exitoso di bario cu por surpasa e diferencianan entre habitantenan den bario i cu di berdad ta conecta nan cu otro. E iniciativanan aki tin oportunidad di ricibí un di e tres Appeltjes van Oranje cu pa di 21 biaha ta otorga. Organisacionnan por registra te 24 di februari 2023 pa bini na remarke pa un suma via oranjefonds.nl/appeltjes. Na aktober 2023 Reina Maxima  ta entregapersonalmente tur tres  Appeltje van Oranje.

Antèna di bario

Oranje Fonds ta komprometé su mes, huntu ku inisiadónan sosial, pa un komunidat den kua hende ta kuida otro, tin oportunidat igual i ta sinti ku nan ta konektá ku otro den bario. Konekshon entre hende ta krusial pa realisá un komunidat embolbí. Relashon sosial den bario por yuda tur hende den nesesidat. I ta forma un base importante pa e aserkamentu i prevenshon di problema di soledat, pobresa i e kosnan kontradiktorio entre hende.

Tur sorto di desaroyo sosial, manera pobresa, enbehesimentu, desempleo, ekonomisashon tin influensia riba e forma ku hende ta kombibí. Covid a hasi esaki hopi mas difísil, pero a demostrá tambe kon importante ta pa tene kontakto djaserka. 

Afortunadamente tin hopi inisiativa na kua habitantenan di bario ta komprometé pa konektá hende ku otro i sa kon surpasá e diferensianan. Dor di konektá hende di tur gremio ku otro bo ta reforsá e relashon sosial den bario, ta krea mas komprenshon bou di otro i hende ta sinti nan mes mas na kas den nan bario. Pa e motibu aki Oranje Fonds ke pone spòtlait riba e fasilitadónan den e bario! 

Tokante Appeltjes van Oranje  

Tur aña Oranje Fonds ta otorgá e Appeltjes van Oranje, e premio pa inisiativanan ku tin balor pa nan bario. Ku esaki ta premia i rekompensá tres inisiativa pa un komunidat inklusivo i embolbí. Inisiativanan úniko, kreativo i ku ta hopi signifikativo i ku tin por lo ménos 2 aña aktivo. Ku e premio Appeltje van Oranje e organisashon ganadó ta haña na promé lugá balor pa su trabou i esfuerso. Ademas e intenshon ta pa inspirá otronan. 

E premio, pa tur tres ganadó, ta konsistí di un eskultura di bròns diseñá i trahá pa Prensès Beatrix i un suma na balor di € 25.000. Ta liber pa usa e montante ku ta risibí basta esaki ta forma parti di e meta di e inisiativa ganadó. Tur aña Reina Máxima ta entregá tres Appeltje van Oranje na Paleis Noordeinde. Den añanan di lustro Rei Willem-Alexander ta entregá e premio. 

Tokante Oranje Fonds  

Oranje Fonds no ke pa hende ta pará nan so i ta deseá pa tur hende partisipá den nos komunidat. Pa e motibu ei nos ta sostené inisiativanan sosial ku ta traha riba un komunidat ku ta embolbí, ku ta kuida hende ku temporalmente tin nesesidat i ta komprometé pa mas igualdat. E sosten aki ta konsistí di konosementu i Netwerk, sosten finansiero, tempu i rekonosementu. E Fondo aki ta danki  na e.o. Nationale Postcode Loterij, Nederlandse Loterij, de Vrienden i kompanianan. Rei Willem-Alexander i Reina Máxima ta e pareha patrosinadó di Oranje Fonds. NOTA: E texto parcialmente ta scirbi den papiamento fonetico di Corsou.