- Conseho Insular di Bonaire a aproba nombramento di Arubiano como griffier nobo
- Wilders: Formacion di gobierno Hulandes nobo ta den fase final
- MInisterio Publico a exigi 4 aña di prison pa chauffeur di truck cu tabata haci contrabanda di hende
- Parlamento a cuminsa trata ley di matrimonio di mesun sexo mas laat y cu schorsing
- Den e proximo simannan seguro di cas lo ta central na ENNIA
Publicista: Autobiografia di Prins Harry di Inglatera ta e buki no ficcion miho bendi di tur tempo
LONDON – E autobiografia di prins Harry di Inglatera titula ‘Spare’ ta e buki di no ficcion miho bendi di tur tempo, segun e publicista Transworld Penguin Random House. E buki di 416 pagina a sali riba mercado diamars, y a bende mas di 400 mil copia caba riba su prome dia. “Nos tabata sa cu e buki lo a bende bon, pero e ta surpasando nos expectative” Larry Finlay, e director di e agencia ta bsa.” E unico buki cu a bende miho, tabata esun di e ‘otro’ Harry, esta Harry Potter, Finlay ta sigui bisa”. E buki ta revela varios situacion di e cas Real Britanico, conta pa e prins mes. Esey ta haci e storia mas interesante. Cosnan brutal cu a sosode, asuntonan personal, pelea, y mucho mas. Segun e prins, ta unico forma di clarifica y coregi tur lo incorecto cu ta wordo publica di su famia y primordialmente su casa Meghan. Prensa britanico, particularmente esnan di noticia sensasional, a cuminsa un campaña contra dje caba, argumentando cu tin hopi parti di e buki cu simplemente no ta corecto y hasta falso. E prins a cuminsa su campaña publicitario for di diadomingo, revelando varios parti di e buki, prome cu esaki a keda publica diamars.
Studiantenan Arubiano di Merca na palabra pa empodera studiantenan na Aruba
WASHINGTON - Minister Plenipotenciario na Merca hunto cu Education USA, ta ofrece diabierna awor, dia 10 di mei 2024 un sesion virtual pa studiantenan cu ta bayendo Merca pa nan estudio. Durante e sesion aki studiante- y graduadonan Arubiano na Merca lo hiba palabra y lo comparti nan experiencia cu hobennan cu ta desea di haya mas informacion.
Tur cos ta cla pa inicio di Eurovisie Songfestival na Suecia awe
MALMÖ – Awe nochi e festival popular Europeo Eurovisie Songfestival ta inicia, e biaha aki pa di tres biaha, na Suecia. Esaki ta un festival cu a propulsa carera di hopi artista den pasado internacionalmente, manera esun mas popular 'ABBA' cu na 1974 a participa cu nan cancion Waterloo. Paisnan Europeo ta participa y si nan clasifica, nan ta pasa pa e final cu ta e evento musical mas mira di Europa. Hopi atencion ta e biaha aki riba e participante di Hulanda Joost Klein, debi na su forma exentrico di presenta y su cancion Europapa diferente cu ya a bira hopi popular. Diahuebs awor e ta riba tarima. Mes momento tin hopi seguridad pa e festival aki, completo cu francotirador tur caminda.
Merca a sanciona empresanan Colombiano pa a facilita transporte maritimo di migrantenan iregular
WASHINGTON – Merca a tuma medida dialuna pa impone restriccion di visa contra ehecutivonan di varios empresa Colombiano di transporte cu tabata traslata migrantenan via laman ilegalmente. “E empresanan aki a probecha di e migrantenan vulnerable operando servicio diseña principalmente pa facilita e migracion irregular pa Merca” departamento di estado Mericano a bisa.
Polis di Israel a invadi studio di canal Al Jazeera den Jerusalem
JERUSALEM – Polis Israeli a invade e studio di e canal di noticia Al Jazeera, despues cu a bira conoci cu e gobierno lo a laga cera e oficina di e canal mas prome. E invacion tabata di un oficina di e canal den un hotel den Jeruzalem. Comunidad internacional ta wak e localidad como un lugar ocupa pa Palestina. Inspectornan di gobierno y polis a drenta den un sala di redaccion y a confisca aparato di transmission. Mientrastanto e canal a stop di transmiti na Israel.
Gobernador di Los Angeles cu critica riba actuacion laat di polis contra demonstracionan
LOS ANGELES – Gobernador di estado Mericano di California a critica e reacciona laat di polis riba un confrontacion entre demostrantenan rival riba University of California (UCLA). Un grupo pro Israel a invadi un campo di tent di demonstrantenan pro Palestina riba e campus di e universidad. Polis lo a reacciona apenas algun ora despues, cual e gobernador Gavin Newsom a yama un reaccion ‘limita y laat’ y inaceptabel di parti di polis. Varios otro ciudad tambe ta tin studiantenan universitario protestando awe riba e tema di e guera na Gaza actualmente. .
Petro: Colombia a kibra relacion diplomatico cu Israel
BOGOTA – Presidente di Colombia Gustavo Petro a kibra relacion diplomatico cu Israel entrante awe 2 di mei. Esaki e la anuncia un dia prome durante un discurso. E presidente ta contra e accionan di Israel na Gaza, Y ta sostene esnan di Palestina.
Follow NoticiaCla
