KPA: Polis lo kita tur obheto di campamento si pone esaki prome cu tempo stipula

Posted on 01/10/2023 9:45 am AST | Updated on 01/10/2023 9:46 am AST

MACUARIMA, -  Relaciona cu Semana Santa caminda cu nos ciudadanonan tin e custumber di bay campa, Altocomisario di Polis Sr.Ramon Arhem ta haci un yamada fuerte na nos campadornan pa tene cuenta cu e condicionnan bao di cual e permiso ta wordo otorga.

E fecha riba cual nos campadornan por cuminsa campa ta Diadomingo 2 april  2023 pa 12:00 di merdia. Kiermen riba e fecha y ora stipula ta permiti pa pone trailernan y tentnan riba nos beachnan.  Tur obheto cu wordo poni prome cu e fecha y orarario stipula lo wordo kita pa polis.  E ultimo dia di campa lo ta dia 16 april 2023. 

Despues di campamento tur obheto mester wordo kita for di beachnan. Si esaki nososode polis lo kita esakinan riba gasto di e campador. Un yamada ta bai na un y tur pa mantene nos beachnan limpi. Deposita tur desperdicio den bari di sushi of den saconan di plastic.

Ultimo dia pa entrega peticion pa campamento ta diaranson 15 maart 2023 entre 8:00 pa 11:30 mainta y entre 1:00 pa 04:30pm

A añadi extra requisito na e permiso pesey tene cuenta cu e siguiente condicion cu nos ta splica aki bao:

1. Ariba e santo blanco na e beachnan bao ningun circumstancia ta wordo permiti pa haci B.B.Q.,   na otro sitio  haci B.B.Q. solamente cu B.B.Q. pit di gas.

2. Tent y trailernan cu ta wordo uza pa campa mester ta den bon condicion.  Nan mester wordo poni por lo menos 10 meter for di canto di lama y nan mester wordo poni por lo menos 5 meter for di e caminda publico. Si NO cumpli cu e regla aki, polis lo kitanan.

3. Bao ningun forma ta wordi permiti pa reserva tereno pa campamento.

4. Tent, trailer y otro obhetonan cu ta wordo uza pa campa no por wordo poni riba otro lugarnan cu ta e lugarnan cu ta destinan pa esakinan y di cual lugarnan a wordo destina pa Gobierno.

5. Den e tentnan/trailernan mester tin suficiente recursonan pa loke ta trata dunamento di prome auxilio. (E.H.B.O.)

6. Ta prohibi pa pone na tent/trailer, obhectonan of plachinan cu no ta cuadra cu moralidad.

7. E campamento mester sosode conforme e condicionan bao di cual e permiso a wordo otorga.

8. Ta prohibi pa core cu vehiculonan di motor, bicicleta, cabay y garoshi riba nos beachnan y principalmente na lugarnan caminda ta destina pa publico.

9. Ta prohibi di pega candela riba nos beachnan.

10. Ta prohibi di bende cuminda, softdrinks, mixdrinks, of cualkier otro tipo di articulo ariba beach sin permiso.

11. Musica por wordo toca solamente for di den e trailer of tent den siman te 10:00 p.m y den weekend te cu mey anochi di tal manera cu otro campadornan no ta wordo molestia.  E uzo di sound system/emplifiers etc. ta wordo permiti solamente si otro campadornan no ta sinti molester di esakinan.

12. Ta prohibi pa kap mata, sin permiso.

13. Ta prohibi pa core cu boto y pa ankra esaki den e zwemzone. Tambe ta prohibi pa mara boto na e boeinan cu ta destina pa scheepvaart.

14. Ta prohibi e uzo di pallet y carton riba beach. No cumpli cu e regla aki polis lo kita esakinan.

15. Ta prohibi pa uza e beach of e palo di coconan como toilet.

16. Ta prohibi pa tin cabay y cacho riba beach.

17. Ta prohibi pa e campadornan uza e hutnan pa nan campa, nan ta wordo laga liber pa e personanan cu ta bin pasa dia.

18.Bao ningun circumstancia mag di susha e beachnan. Boternan kibra of splinter di glasnan no mag di wordo laga atras riba beach, ni tampoco por tira esakinan den lama. Esaki ta conta pa desperdicio tambe.

19. E permiso no mag di wordo pasa pa un otro persona.

20. E poseedo di e permiso mester tin esaki den su tent/trailer na un caminda visibel pa polis.

21. E poseedo di e permiso mester tene cuenta cu e tin solamente derecho riba e lugar di campa durante e tempo cu efectivamente e ta campando, prome cu esaki bo no mag di reserva, marca, pone cabuya ect.

22. E poseedo di permiso ta keda responsabel pa cualkier daño na otronan debi na existencia di su tentnan/trailer of otro objeto.

23.  Indicacionnan di polis duna na interes di orden publico y seguridad di persona, bienes y basa riba moralidad mester wordo sigui estrictamente.

25. Esun cu no actua conforme e condicionnan bao di cual e permiso a wordo otorga ta wordo considera di a actua sin permiso. E permiso eta wordo revoca y bo por haya un multa.

Un recordatorio pa tur campadornan cu e ultimo dia pa haci peticion pa campa ta dia 15 maart 2023. Sigui tur reglanan y pasa un dushi temporada. 

  • Polis a resolve caso asesinato di Sergio Maduro cu detencion di 2 persona

    Polis a resolve caso asesinato di Sergio Maduro cu detencion di 2 persona

    ORANJESTAD – Cuerpo policial diaranson mainta a informa cu e caso di asesinato di Matividiri,  a keda resolve. Segun e informacion ricibi, desde siman pasa diaranson Recherche Santa Cruz a detene e homber di inicial B.E.J.M. naci na Aruba di 37 aña di edad relaciona cu e caso di asesinato di Sergio Maduro cu a tuma lugar dia 24 december 2023. Ayera recherche di Santa Cruz a detene e dama di inicial J.R.G. naci na Aruba di 39 aña di edad. Recherche di Santa Cruz niun dia a stop di investiga y poco poco a haya suficiente informacion y prueba pa Ministerio Publico por duna orden pa detene e dos persona nan aki riba menciona.

  • Polis tabata hopi ocupa cu detencion durante parada di Playa

    Polis tabata hopi ocupa cu detencion durante parada di Playa

    ORANJESTAD - Diadomingo pa exactamente 10:00 mainta SMAC conhuntamente cu KOA haci inicio di parada grandi di Oranjestad. Tabata tin 10 grupo y mas o menos 4300 participante. 

  • Polis a detene 13 chauffeur burachi despues di parada di Playa

    Polis a detene 13 chauffeur burachi despues di parada di Playa

    ORANJESTAD - Un biaha mas unidad motorisa tabata activo riba carteranan di Aruba cu control den trafico dirigi riba maneha bou influencia di alcohol. vA controla prome, durante y despues di parada grandi di Oranjestad. Por a tuma nota cu a controla varios chauffeur y a detene den totaal di 13 persona, di cual 8 perde nan rijbewijs.

  • Polis a detene 11 chauffeur durante y despues di parada di San Nicolas

    Polis a detene 11 chauffeur durante y despues di parada di San Nicolas

    SAN NICOLAS - Unidad motorisa a para na diferente punto strategicamente pa asina por haci e control di trafico prome, durante y despues di parada grandi na San Nicolas.  A controla mas cu 200 auto.  A detene 11 chauffeur di cual 7  persona a perde nan rijbewijs dor di supla hopi mas halto cu ta permiti pa ley. Cuerpo Policial Aruba ta keda avisa cu pa mayan cu ta e ultimo parada  control di trafico lo sigui.  Aña 2023 a detene 15 chauffeur

  • Cu 222 polis riba pia Aruba a celebra parada grandi San Nicolas

    Cu 222 polis riba pia Aruba a celebra parada grandi San Nicolas

    ORANJESTAD - Diasabra pa 9:59 mainta Polis conhuntamente cu SMAC a haci inicio di e Parada Grandi na San Nicolas. Tabata tin 10 grupo, last lap y mas o menos 4300 participante. 

  • Cu un detencion di un hoben, caso atraco Eagle Beach ta soluciona

    Cu un detencion di un hoben, caso atraco Eagle Beach ta soluciona

    ORANJESTAD - Diabierna mainta e departmento di Atraco Team (TBP) hunto cu personal di K-9 Unit a haci un detencion mas den e caso di Eagle Beach. Ta trata e sospechoso di inicial S.S.T. naci na Aruba di 17 aña. Cu esaki tambe Atraco Team a resolve e caso di atraco riba un señora cu a tuma lugar na Eagle Beach algun tempo atras.

  • Powered by SETAR