Gobierno a aproba compra y AZV lo financia e dos ambulance nan nobo

ORANJESTAD – AZV lo financia compra di dos ambulance nobo y modern. Asina minister di salud Dangui Oduber a bisa dialuna mainta durante un conferencia di prensa. Gobierno a aproba e compra, pero ta AZV lo financia esaki. E hecho cu AZV ta financia esaki ta debi ,- segun e minister -, na e exit strategy cu a usa durante e periodo di pandemia, unda cu Aruba a conoce un recuperacion economico accelera cu a surpasa tur expectativa  cu a ‘trece e espacio financiero por a financia e compra di dos ambulance nobo’. 

ULTIMO COMPRA

Segun e mandatario, tabata  na aña 2018 cu a haci compra di e unico ambulance moderno y nobo cu Aruba tin, y cu e dos nan na caminda lo ta di mesun modelo.  Di e forma aki Aruba lo tin 3 ambulance nobo cu e personal di ambulance lo haci uzo di dje.   . Si tur cos cana segun plan Aruba lo ricibi e dos ambulance nan aki den e tercer cuartal di 2023.