Señora di Aruba ta spera 36 luna di prison na Hulanda pa a trafica droga den stoma

AMSTERDAM – Un señora di Aruba por haya 36 luna di castigo di prison na Hulanda, pa a trafica bolita cu droga. E siman aki a trata e caso di e persona en cuestion. Tabata na September di aña pasa cu e la yega Bruselas for di Corsou, y a gare cu e bolita den stoma. Ta ora cu a pidie pa un test di urina, a bin descubri e bolita. E la bisa mesora cu e tabatin mas bolita, scondi den su parti atras. “Mi a haci esaki pa paga mi debenan” e señora a declara na polis ora cu nan a detene. Mester bisa cu prome cu nan a gar’e na September, e la biaha 8 biaha caba pa Corsou cu e meta pa trafica droga. Su abogado a pidi un castigo leve pe, debi cu e conoce hopi hende y cu ta pa debe e tabata trafica. Ademas, segun e abogado, e la coopera mesora cu autoridad pa cu su caso. Hues ta dicta sentencia dia 2 di februari proximo na Hulanda.