DIMP: Ta aumenta toeristenheffing y reparti esaki entre ATA, Gobiern y TPEF

ORANJESTAD – Un di e cambionan cu gobierno di Aruba a introduci entrante 1 di januari 2023 ta e aumento di e asina yama toeristenheffing y a cambia su reparticion. Esaki pa asina tin un reparticion husto y aumento di cumplimento. E aumento di e tarifa ta di 9.5% pa 12.5%. Ademas ta reparti un porcion di e entrada total di toeristenheffing entre ATA (57%), Pais Aruba (40.8%) y TPF (2.2%) teniendo cuenta cu e entradanan necesario pa ehecucion di e trabaonan di ATA y TPEF. 

AHUSTE DI INFLACION

Ademas a anuncia cu ta introduci un ahuste di inflacion di 10.2% . Pa e tarifanan di toeristenheffing aplicabel pa “timeshares” e tarifanan existente ta wordo ahusta:

Di Afl. 179 pa Afl. 193,95

Di Afl. 223,75 pa Afl. 162

Di Afl. 197,26 pa Afl. 213,73 

Y di Afl. 246,57 pa Afl. 178,52

MEHORACION DI CUMPLIMENTO 

Tambe a anuncia cu entrante 1 di januari 2023, ta mehora cumplimento di impuesto di acomodacionnan alternativo (por ehempel:

(Airbnb) caminda cu por cobra toeristenheffing y BBV di e companianan aki cu ta ricibi pago directo di e huesped pa nan estadia na Aruba. Si e compania aki no ta estableci na Aruba e lo por asigna un representante permanente na Aruba (“fiscaal vertegenwoordiger”).

COBRANSA DI IMPUESATO RIBA TRASPASO ECONOMICO

Ta cobra impuesto riba traspaso economico di propiedad inmobil (“economische eigendomsoverdracht”)

No ta cobra overdrachtsbelasting ora di hereda propiedad inmobil. Ta cobra overdrachtsbelasting riba traspaso di accionnan di entidadnan cu propiedad inmobil na Aruba (“aandelenoverdracht van onroerendezaaklichamen”).

Tambe ta ahusta e tarifa di overdrachtsbelasting na 3% riba balor di propiedad te cu 250.000 florin y 6% riba cualkier balor cu ta surpasa 250.000 florin.

Ta evita acumulacion di overdrachtsbelasting ora di traspaso di propiedad inmobildurante un periodo di 12 luna

OTRO CAMBIONAN TECNICO

Ta elimina e “bijzondere belasting op verhuurauto’s en verhuurmotorfietsen” (BBVAM) entrante 1 di oktober 2020. Ta codifica e Plan di Alivio Fiscal (“Fiscaal Noodplan”) number 1 y number 2 y ta duna e posibilidad pa haci declaracion digital di impuesto, obligatorio