La Cabana a sostene nan tradicionnan di fin di aña

EAGLE BEACH – Na final di 2022, la Cabana a sostene nan tradicionnan di fin di aña, tur nan tradicionnan anual di semper den spirito di duna y yuda esnan den necesidad, fuera di celebra cu nan propio familiarnan.

‘Helping Hands’ ta un di e tradicionnan aki. Esaki ta un acto regular den e menu di actividadnan social na e resort. Helping Hands ta wordo organisa pa e Departamento di Recursonan Humano, diseña pa subraya e conexion familiar entre coleganan den necesidad, adicionalmente compartiendo momentonan cu esnan den comunidad cual semper ta wordo recorda durante dianan di fiesta.

E aña aki, e team a haci un impacto den e famianan di empleadonan pafo di e circulo inmediato di e resort. Cu e tradicion anual di duna un man cu Helping Hand na famianan Arubano den necesidad, empleadonan di e resort a generosamente contribui na donacionnan financiero. Consecutivamente nan a generosamente brinda nan atencion y tempo, trahando paketenan, preparando esakinan cu amor y entregando nan na esnan menos fortuna por disfruta di dianan di fiesta cu nan sernan keri.

Como un gesto di aprecio pa tur cos cu e empleadonan aki ta haci diariamente, miembronan di gerenci personalmente a entrega e paketenan di ham, cu respet pa nan trabao duro cu nan ta cumpli cu ne durante henter e aña. E Departamento di Recursonan Humano a contribui na e ambiente di dianan di fiesta na entrada di e evento cu musica di Pasco pa DJ Ito, acompaña pa un grupo di cantante di Dande, bao direccion di un empleado contrata, deseando tur un aña nobo feliz, saludabel y prospero pa un y tur.