Hoekstra: Hulanda lo asisti islanan CAS cu implementacion di tratadonan pa Reino Hulandes

DEN HAAG – Hulanda lo yuda e islanan CAS, (Corsou, Aruba y St Maarten) implementa tratadonan internacional cu ta regarda e Reino Hulandes. Asina minister di Relacionan Internacional Wopke Hoekstra a a raporta na Parlamento Hulandes (Tweede Kamer) den un carta recien. Tin hopi tratado cu ta aplica solamente pa Hulanda pasobra e islanan CAS no tin e capacidad (y e falta di entusiasmo) pa adapta na e tratadonan aki segun Hoekstra. 

E mandatario a bisa den su carta tambe cu den cada cuartaal, e paisnan lo ricibi concepto di tratadonan via un lista periodico, cu ta indica cua tratado ainda no a wordo trata. Adicionalmente, den e gruponan di trabou inicial, cu ta inclui tambe un representante di cada un di e paisanan, lo ricibi mas informacion di e embergadura di e concepto di e tratadonan cu ta nobo riba e lista. Asina cu e negosacionan di tratado ta na caminda, un carta di informacion lo wordo manda pa cada pais, splicando kico e tratado su intencion ta y kico e mester regula. Unabez cu e negosacionan ta termina, lo puntra e paisnan si nan kier wordo inclui den e tratado. Ademas ta premira cu e ley di COHO cu ta pega aworaki, lo keda trata tambe asina.