Cancelacionan masivo di Southwest Airlines no ta afectando su buelo pa Aruba

MIAMI – No obstante cu awe atrobe e aeroliña mericano Southwest a cancela 2500 di su buelonan domestic y interacional, esaki no a parce di a afecta Aruba. Southwest tin por lo menos un buelo diario pa Aruba for di Orlando y esaki ta mustra di ta bulando normal. Pero otro islanan den Caribe manera Puerto Rico no a conta cu e mesun suerte. Puerto Rico de echo, tin e mayor cancelacion pa e rutanan di Caribe. E aeroliña en total ta cancelando 60% di su buelonan, debi na un combinacion di factor, for di mal tempo te na scarsedad di personal. Expertonan di aviacion ta considra loke cu ta pasando cu Southwest, como un situacion dramatico y sin precedente.