Van Huffelen lo reuni cu Aruba, St Maarten y Corsou na januari 2023 riba deficit democratico

DEN HAAG – Secretario di estado Hulandes Alexandra van Huffelen lo ta na St Maarten comienso d 2023, pa entre otro trata e tema di Deficit Democratico cu e islanan Aruba, Corsou y St Maarten. Esaki lo sosode durante un reunion cu e tres prome ministrnan di e respectivo islanan cu lo ta presente den e reunion. E deficit democratico ta un tema cu cada bes e islanan ta confronta Hulanda cu ne, unda cu ta mustra cu mientras cu e paisnan mester ta igual, e situacion politico no ta duna pa esey y esey ta perhudica e islanan den mas cu un forma. Tabata durante di carta recien di minister Wopke Hoekstra na Parlamento Hulandes, cu e la informa e miembronan di e intencion aki di van Huffelen, mientras cu e mes tabata splica cu Hulanda lo yuda e islanan en cuestion cu e asunto di tratadonan cu ta trata Reino Hulandes. E reunion entre Van Huffelen y e prome ministernan lo tuma lugar entre 12 y 13 di januari 2023.