Mal tempo na Merca e weekend aki por afecta Aruba cu varios cancelacion

ORANJESTASD – E tormenta di winter na Merca e fin di siman aki por afecta Aruba. No ta conoci con hopi, pero algun taxista cu Noticiacla.com a papia cu ne a confirma caba cu nan a haya varios cancelacion pa e fin di siman di pasco. Algo cu ta lamentable pasobra nan a conta cu un abundancia di trabou pa ‘make up’ pa e temponan dificil cu nan a pasa aden. Mientrastanto di e 18 buelonan for di Merca pa awe pa Aruba, awe mainta tin por lo menos 5 buelo cu si a confirma cu nan ta na caminda pa Aruba y lo yega na ora. No ta conoci di e otro buelonan anda. Ta premira cu pa e fin di siman mes, esta diasabra y diadomingo por spera cancelacion ora cu e tempo pio afecta e parti mei mei y oost di Merca. 

E TEMPO

Segun informacion di Merca, tin por lo menos 200 miyon persona, of mas of menos 60% di populacion mercano ta afecta pa un of otro alerta di tempo pa e ‘tormenta historico di winter’. E mal tempo lo pasa riba un tercera parti di e parti oost di Merca, y esaki ta unda cu mayoria buelo di Merca pa Aruba ta origina.