AG contra casacion di gobierno pa extra grondbelasting pa un hotel

AMSTERDAM – Abogado General Ijzerman (AG) di Hulanda a conseha Hoge Raad (Corte di Casacion) pa no duna gobierno di Aruba (lesa: Minister di finansas Xiomara Maduro) razon den casacion den un caso di cobransa extra di grondbelasting na un compania hotelero di Aruba. Segun e AG, gobierno no tin derecho pa cobra grondbelasting adicional. Esaki ta relaciona cu un cambio di ley cu a drenta na vigor na 2019. Segun AG, debi na reduccion di balor, no tin un un suma cu pa medio di un di dos cobransa, (aanslag) por wordo cobra di e compania en cuestion. 

E CASO

E caso ta basa riba e echo cu Departamento di Impuesto a manda cobransa di grondbelasting di 2017 y 2018 di 1.6 miyon florin pa e hotel y casino. E tarifa usa ta di 0.4%. Riba 31 di mei 2019 a manda un cobransa di grondbelasting basa riba e tarifa di 0.6%. Inspector di Impuesto, segun e caso, a stipula e balor di e hotel, despues di reclamo di e hotel y decision di corte den prome instancia, na 275 miyon florin. Den disputa ta si Inspector di Impuesto por impone e cobransa di 2019, basa riba e cambio di ley y tarifa di 0.6%.