Argentina a bira campeon mundial di futbol ganando di Francia via di penalty

DOHA – E tabata un wega largo, yena cu emocion di ambos banda, pero finalmente e seleccion nacional di futbol di Argentina a gana di e ganador di mundial 2018 cu e score di 4-2 cu tiramento di penalty. E wega tabata uno cu pa gran parti tabata domina pa Argentina cu 2-0, pero cu na final di e tempo, Francia a logra hinca 2 goal den 2 minuut separa di otro, mandando e wega den ‘overtime. Aki atrobe Argentina ta gara e delantera, pa Francia bolbe empata na 3 goal. Esaki a manda e partido den tiramento di penalty unda cu Argentina a mustra mas poderoso y gana e partido finalmente. E tabata considera como un di e finalnan mas emocionante di e historia di e mundial. Pa e astro di Argentina, esaki ta bira su salida di oro, logrando su soño y asina retirando di mundial cu un titulo mas.