Kock: Si OM a haci su trabou bon, lo a conclui cu Sevinger no a haci nada robez

Kock: Si OM a haci su trabou bon, lo a conclui cu Sevinger no a haci nada robez

Posted on 12/16/2022 4:50 pm AST | Updated on 12/16/2022 4:58 pm AST

ORANJESTAD – Diabierna mainta den corte, abogadonan di sospechosonan ex minister Benny Sevinger y P. Sussebeek a presenta nan contesta riba e reaccion di Ministerio Publico cu a presenta nan puntonan diaranson ultimo. Abogado David Kock di bufete DAVIDKOCKLEGAL a cuminsa mesora di ta sorprendi cu mientras a presenta un caso grandi largo, a spera un ‘dupliek’ (contesta di OM) largo, pero cu esaki a dura apenas 13 minuut. E la sigura cu e reaccion final di e sospechosonan si lo tabata ‘mas largo’. 

PUNTO CARDINAL

Segun Kock, desde prome dia e punto di OM tabata cu un grupo chikito selecta, a haya trato preferencial den adkeri tereno erfpacht mientras cu otronan no tabatin e mesun suerte. Pero asina mes, despues di un investigacion di un aña largo y mas di 20 mil pagina di un dossier, e ta puntra, unda esaki ta establece e punto ey di OM. “ No tin ni un declaracion di ningun  testigo  cu ta proba esaki”, Kock a bisa. Solamente un testigo, van Heusden, ta bisa cu e la haci un peticion per cu e no a haya nada. Asina mes, Sevinger den e prome ronda caba a presenta e carta di van Heusden, cu e la haya e mesun trato VIP di e ex mandatario. Esta cu riba e mesun dia cu e documento a yega cerca Sevinger, cu e la firma esaki ‘dezerzijds accoord’ y a sigui pa DIP. Su peticion a wordo trata te hasta mas lihe cu otro casonan. 

HOPI PETICION

E lista cu Sevinger a presenta di mas di 400 peticion di tereno comercial erfpacht di cual apenas 100 a haya otorgamento, a keda bagatalisa pa OM segun Kock, siendo cu ta pruebanan di su maneho. “Lamentablemente OM no ta sigui su deber di busca e berdad. De echo, OM no mester presenta su mes como un contra partido di e sospechoso, sino un instituto independiente cu ta trece e berdad dilanti”. Kock a sigui mustra cu, contrario na Sevinger, OM (taba)tin tur e instrumentonan pa controla tur cos. “Ta como si fuera cu OM no kier investiga esaki pasobra e resultadonan lo no pas den e storia di OM. Esaki sinembargo no por wordo aproba” Kock a sigui bisa. Ademas den e reaccion di OM, segun Kock, a sugeri cu tabatin opcionan di tereno duna sin cu tabatin hustificacion. Y awor ta haci como si fuera cu a duna opcion pa tereno sin cu a cumpli cu e condicionan. Algo cu sigur no ta e caso segun e abogado. 

LABAMENTO DI PLACAOM den su reaccion a pone cu Sevinger no tin base pa elimina e acusacion di labamento di placa. Sinembargo segun Kock, nunca Sevinger a pone esey como punto. Loke cu Sevinger a cita OM ta cu en caso e soborno keda proba, y cu e defensa no por refuta e labamento di placa, cu esaki ta conta tambe contrario pa OM. “Si Sevinger wordo absolve di soborno, e ora OM no por prueba labamento di placa. Sevinger a bisa cu mester absolve di soborno, y den punto di OM, tambe di labamento di placa. “Ningun momento a bisa nada di declara esaki nulo”. 

ESTAFA

Tambe OM a comenta riba e acusacion di estafa cu e unico argumento cu Sevinger tabatin autorisacion pa firma na banco pa e fundacion, y cu e por tabatin aceso na e fondonan, y posiblemente por a causa estafa. Segun Kock, si OM a haci su investigacion corecto, por a tuma nota cu enberdad Sevinger tabatin autoridad pa firma, pero cu den tur e añanan, no tabatibn un transaccion di e fundacion, sea ta deposito of check, cu tabatin firma di Sevinger. Esaki pasobra Sevinger no tabata parti di directiva y no tabata mete cu e finanza. Pesey no tin nada den e dossier di esey. Y como tal, nunca e tabatin placa di e fundacion pa cual esaki no a cumpli cu e rekisito pa por culp’e di estafa. Y finalmente, e abogado a menciona un lista di otro declaracionan di Sevinger riba e.o e hecho cu nunca Sevinger a wordo paga y ricibi regalo, no por considera donacionan como soborno, cu cierto delito acusa a caduca di tempo, y mucho mas. “E silencio di OM riba tur e puntonan aki, segun pensamento di Sevinger, lo mester conduci na su absolucion” Kock a finalisa bisando.  

 

 

  • Segun Alan Howell, no tin nada di malversacion of falsificacion di documento!

    Segun Alan Howell, no tin nada di malversacion of falsificacion di documento!

    ORANJESTAD – No tin nada di malversacion of falsificacion di documento! Esey tabata parti di defensa diabierna mainta di abogado di e ex politico Alan Howell den e caso Diamante.  Segun e abogado Doris Canwood, e no ta comparti punto di bista di Fiscal. Segun Canwood, Howell no a haci nada di malversacion, falsificacion di documento. Ademas e ta mustra cu na 2020, Financial Intense Unit (FIU) di banco tabata sospecha cu placanan dedica na fraccion di POR, un gran parti tabata bay riba cuenta di Howell.

  • Segun van Putten (caso Diamante), hendenan cu e la confia a usele

    Segun van Putten (caso Diamante), hendenan cu e la confia a usele

    ORANJESTAD – Segun e sospechoso den caso Diamante, J. van Putten, hendenan cu e tabata confia, a usele y awor e ta mal para. Diabierna mainta, Corte a trata su defensa, hunto cu e defensa d e ex politico Alan Howell.  

  • OM: Falta procesverbaal di landsrecherche pa cera investigacion di caso Flamingo

    OM: Falta procesverbaal di landsrecherche pa cera investigacion di caso Flamingo

    ORANJESTAD – Ainda Ministerio Publico no por cera e caso Flamingo cu ta trata como sospechoso principal ex minister Otmar Oduber, pa motibo di un documento. ‘Nos ta wardando riba e eind proces verbaal’ tabata e reaccion di vocero di Ministerio Publico Ann Angela diabierna na noticiacla. Esun responsabel pa e ultimo rapport, e procesverbaal final, ta Landsrecherche.“Landsrecherche ta esun cu a hiba e investigacion. Una vez e eind proces verbaal ta den man di e zaaksofficier, e por dicidi riba dje” Angela a sigui bisa pues cu unabez cu e decision ey cay, e ta bira of ta cuminsa un caso, of ta seponer esaki. Pero te cu awor, esey no ta cla, pues tin cu warda un poco mas. No por a bisa cuanto mas tin cu warda. Hecho ta cu e caso no ta cera ainda, y no tin fecha pa esaki cera. 

  • Howell: Caso Diamante ta un persecusion politico contra dje

    Howell: Caso Diamante ta un persecusion politico contra dje

    ORANJESTAD – Ex parlamentario y politico Allan Howell ta considera e caso Diamante como un persecusion politico cu a perhudica su famia. E la declara tambe cu cu den prensa local a a sali cantidad di acusacionnan y na Lands Recherche e tempo ey ainda no tabatin documentonan di e caso. Tambe e la bisa cu por bien ta cu lo por a haci cosnan otro, pero ningun momento a haci falsificacion di documentonan y tampoco malversacion. 

  • Den caso Diamante, a exigi castigo di prison pa ex politico Allan Howell

    Den caso Diamante, a exigi castigo di prison pa ex politico Allan Howell

    ORANJESTAD – Ex politico Allan Howell (50) por haya un castigo di prison di 2 aña si huez haye culpable di e acusacion cu tin contra dje di malversacion di fondo den e caso Diamanta, cu ta trata pues malversacion di fondo di fundacion di partido politico POR. Hunto cune tin e persona J. van Putten (62) cu tabata tesorera di e fundacion. Segun Fiscal, Howell ta culpabel di malversacion di placanan di partido POR y tambe falsificacion di recibonan y ta haya cu Fiscal Van Putten a wordo usaden e caso aki. 

  • OM a contesta Dowers: Premier Wever a entrega denuncia relaciona cu Arubahuis!

    OM a contesta Dowers: Premier Wever a entrega denuncia relaciona cu Arubahuis!

    ORANJESTAD – Minister presidente Wever a entrega enberdad keho riba e iregularidadnan rond di Arubahuis. Asina Ministerio Publico a contesta parlamentarionan Arthur Dowers y Mike de Meza (AVP) awe mainta. Manera ta conoci ayera 17 di januari ultimo, Dowers y de Meza a entrega un carta na Ministerio Publico, den cual e pregunta a bin dilanti si premier di Aruba a haci denuncia relaciona cu supuesto iregularidadnan na Arubahuis. Den nan carta a mustra tambe riba e overbruggingstoelage di cual e minister plenipotenciario anterior aparentemente ta haci uso, y a tilda e premier di abuso di poder.  

  • Powered by SETAR