Carlo: Harms no a cumpra ex minister Sevinger a cambio di tereno comercial
ORANJESTAD – E sospechoso den e caso penal Avestruz, C.Harms diahuebs mainta den corte a desmenti di a cumpra ex minister Sevinger pa e por a haya tereno comercial. Manera ta conoci, luna pasa fiscal di Ministerio Publico (OM) a exigi castigo pa Harms di 100 ora di trabao comunitario y 25 mil florin di multa. Eabogado Defensor di Harms, mr Vito Carlo a confirma cu recientemente durante e rekisitorio di OM, e fiscal mes a pidi pa declara Harms liber di labamento di placa. E abogado a bisa cu esey ta corecto y cu e no ta di acuerdo cu e acusacion cu Harms a cumpra Sevinger.
CUMPRAMENDO DI E EX MINISTER
Segun e abogado na huez, Harms a realisa basta proyecto na Aruba, sin cu tabatin mester di aprobacion di e ex mandatario. Ademas, a dura mas cu 4 añas pa Harms a haya erfpacht comercial na Island Estate. Harms a bisa cu e tabata impresiona con Sevinger tabata traha cu partido AVP ta trahando pa drecha economia na Aruba, y como tal e kier a contribui y haci proyecto. Esey no kier men cu e ta simpatisa un of otro partido. Cada temporada di eleccion e famia ta evalua pa cual partido lo bay haci donacion. Harms no tabata amigo di Sevinger pero a uni cu vision di AVP na 2009 cu kier inverti den economia. Pesey a haci donacion na AVP pa asina bin un cambio den e economia cu tabata deporable, turismo a cay y Gobierno a bandona hopi edificio. AVP a bin cu programa di inversion den economia. Harms a haci donacion haci na 2009 y na 2013. Esun na 2009 tabata menos compara cu na 2013.
Segun e abogado, OM ta conclui eroneamente cu Harms a cumpra Sevinger door di haci donacion na Fundacion Curazon Berde pa haya su proyectonan. Algo cu segun Carlo, no ta corecto y of berdad. El a mustra Hues cu proyectonan cu Harms kier a realisa a wordo rechaza. Otro grupo a haya esakinan. E abogado a menciona diferente di e peticionnan cu Harms a haci pa haya erfpacht comercial pero a keda rechaza. E abogado a bisa cu Harms tabata bishita edificio di Gobierno pa convence Gobierno pa renoba Caya Libertador Betico Croes (Caya Grandi) den Playa. A dura añanan y esaki no a keda realisa. E abogado a menciona un articulo di ley penal y cu ora cu esey a drenta na vigor ta hopi despues cu e peticion cu Harms a haci na 2013. Pesey 5 di e 7 acusacionnan cu Min. Publ. a haci ta caduca.
E abogado a sigui bisa cu Harms a haci donacion na Fundacion Curazon Berde di Sevinger pero no na Sevinger directo. E intencion tabata cu e placanan tabatadestina pa e campaña politico. Como tal, e abogado ta haya cu no por bisa cu Harms a cumpra Sevinger pa asina haya erfpacht comercial. El a mustra cu e companianan Milero y Marlin a haci donacionnan na 2009 y 2013. Tabatin palabracion haci cu ta pone un limite pa donacion pasobra tabata dona di mas. E abogado a bisa cu famia Harms a haci donacion na diferente otro politiconan tambe.
MINISTERIO PUBLICO TA BRUHA DEN ASUNTO
E abogado a sigura Hues cu OM ta kere cu door di a haci e donacionan, cu ta pesey e companianan di Harms a haya tereno erfpacht comercial. El a remarca cu OM. a laga afor tambe, tur e proyectonan cu Gobierno si a nenga Harms. Abogado mr. Carlo a mustra cu dos di e tereno ta di un di Harms su yiu homber. E otronan tabata di e yiu homber mas bieu. Ademas a sigura cu e no tabata envolvi den companianan di su yiunan.
Tur esaki ta pone cu segun e abogado, e ta haya cu mester duna su cliente Harms absolucion total (vrijspraak). Segun pensamento di Carlo, ta parce cu OM ta bruha e rumanan Harms (e yiunan y e tata), esta Harms junior y Harms senior.
Ademas, Carlo a sigura hues cu dia 9 November 2022 tabatin sentencia di Corte, di e caso cu Harms a cuminsa contra Gobierno cu a kita un erfpacht di dje. Harms a haya erfpacht comercial pero e Gobierno cu a sinta despues a nenga di duna permiso pa construccion. Aki Corte a condena Gobierno paga mas cu 200 mil florin na na Island Estate pasobra a rechaza permiso di construccion riba un erfpacht comercial cu Harms cu tin Island Estate a haya di Gobierno anterior. Esaki segun Carlo, ta mustra cu su cliente Harms, no tin vinculo cu e ex minister Sevinger.
Segun Alan Howell, no tin nada di malversacion of falsificacion di documento!
ORANJESTAD – No tin nada di malversacion of falsificacion di documento! Esey tabata parti di defensa diabierna mainta di abogado di e ex politico Alan Howell den e caso Diamante. Segun e abogado Doris Canwood, e no ta comparti punto di bista di Fiscal. Segun Canwood, Howell no a haci nada di malversacion, falsificacion di documento. Ademas e ta mustra cu na 2020, Financial Intense Unit (FIU) di banco tabata sospecha cu placanan dedica na fraccion di POR, un gran parti tabata bay riba cuenta di Howell.
Segun van Putten (caso Diamante), hendenan cu e la confia a usele
OM: Falta procesverbaal di landsrecherche pa cera investigacion di caso Flamingo
ORANJESTAD – Ainda Ministerio Publico no por cera e caso Flamingo cu ta trata como sospechoso principal ex minister Otmar Oduber, pa motibo di un documento. ‘Nos ta wardando riba e eind proces verbaal’ tabata e reaccion di vocero di Ministerio Publico Ann Angela diabierna na noticiacla. Esun responsabel pa e ultimo rapport, e procesverbaal final, ta Landsrecherche.“Landsrecherche ta esun cu a hiba e investigacion. Una vez e eind proces verbaal ta den man di e zaaksofficier, e por dicidi riba dje” Angela a sigui bisa pues cu unabez cu e decision ey cay, e ta bira of ta cuminsa un caso, of ta seponer esaki. Pero te cu awor, esey no ta cla, pues tin cu warda un poco mas. No por a bisa cuanto mas tin cu warda. Hecho ta cu e caso no ta cera ainda, y no tin fecha pa esaki cera.
Howell: Caso Diamante ta un persecusion politico contra dje
ORANJESTAD – Ex parlamentario y politico Allan Howell ta considera e caso Diamante como un persecusion politico cu a perhudica su famia. E la declara tambe cu cu den prensa local a a sali cantidad di acusacionnan y na Lands Recherche e tempo ey ainda no tabatin documentonan di e caso. Tambe e la bisa cu por bien ta cu lo por a haci cosnan otro, pero ningun momento a haci falsificacion di documentonan y tampoco malversacion.
Den caso Diamante, a exigi castigo di prison pa ex politico Allan Howell
ORANJESTAD – Ex politico Allan Howell (50) por haya un castigo di prison di 2 aña si huez haye culpable di e acusacion cu tin contra dje di malversacion di fondo den e caso Diamanta, cu ta trata pues malversacion di fondo di fundacion di partido politico POR. Hunto cune tin e persona J. van Putten (62) cu tabata tesorera di e fundacion. Segun Fiscal, Howell ta culpabel di malversacion di placanan di partido POR y tambe falsificacion di recibonan y ta haya cu Fiscal Van Putten a wordo usaden e caso aki.
OM a contesta Dowers: Premier Wever a entrega denuncia relaciona cu Arubahuis!
ORANJESTAD – Minister presidente Wever a entrega enberdad keho riba e iregularidadnan rond di Arubahuis. Asina Ministerio Publico a contesta parlamentarionan Arthur Dowers y Mike de Meza (AVP) awe mainta. Manera ta conoci ayera 17 di januari ultimo, Dowers y de Meza a entrega un carta na Ministerio Publico, den cual e pregunta a bin dilanti si premier di Aruba a haci denuncia relaciona cu supuesto iregularidadnan na Arubahuis. Den nan carta a mustra tambe riba e overbruggingstoelage di cual e minister plenipotenciario anterior aparentemente ta haci uso, y a tilda e premier di abuso di poder.
Follow NoticiaCla
