A funda “Brighter Future Academy Foundation” pa muchanan special

ORANJESTAD - Cu e clausura di un scol pa mucha special na Noord varios mucha a keda sin school. Cu esaki mayornan a aserca Uleike Tromp ”Behavior Therapist di Brighter Future”, kende tin15 aña di experiencia dunando terapia y guia na nos muchanan special. Uleike tin experiencia cu muchanan cu autism, “adhd/add developmental delay” y otro tipo di “behavior challenges y tambe hopi experiencia den guia pa mayornan cu muchanan special. Mirando e necesidad grandi pa educacion pa nos muchanan special, Uleike Tromp a uni cu otro profesional y a lanta e fundacion “Brighter Future Academy Foundation”. A ricibi un cas na Mozartstraat 11 pa e scol y diferente comerciante di sector priva a aporta pa cu e renobacion di e cas aki. Hopi trabou a wordo haci pa nos por a logra keda cla den un corto tempo, un danki di curason na e comerciantenan y voluntarionan cu a juda nos cu e scol special.

E FUNDACION 

“Brighter Future Academy Foundation” a wordo funda riba September 22, 2022. E Directiva ta consisti di Presidente Uleike Tromp Behavior Therapist, Secretaria Miraila de Cuba Directora Medstar Group N.V., Tesorero Melissa Figaroa un mayor di un Mucha Special y Hefe di Accounting na Gianni’s Group, y nos Voluntarionan activo, Carine Solognier mayor di un Mucha Special y Sonaly Fernandez mayor di un Mucha Special y e motor di nos fundacion.

Brighter Future Academy ta un school specialisa cu ta traha cu muchanan di 4 pa 12 aña. Klasnan ta chikito di 5 mucha, unda cu cada studiante por haya tur e atencion necesario. Programa di educacion y comportacion individualisa pa cada mucha lo wordo traha a base di e mucha su nivel, necesidad, y habilidad. Brighter Future Academy Foundation su Vision ta pa mehora e calidad di bida di nos muchanan y nan famia. Tambe e focus lo ta pa nos studiantenan  alcansa nan capacidad completo y pa provee nan un lugar sigur cu ta motivanan den un ambiente agradabel. Finalmente lo comparti nos practica cu famianan, otro profesionalnan y scolnan.