Xavier University School of Medicine ta traha campus balora na 70 miyon dollar na Aruba

ORANJESTAD - Xavier University School of Medicine a anuncia e siman aki cu e construccion di e fase dos di e campus di Aruba lo inicia na januari 2023. E fase dos lo mira e creacion di un area nobo di e campus. E gasto di e bloke academic ta balora na 70 miyon dollar. Acerca, presidente Ravishankar Bhooplapur a anuncia cu e scol a sigura 46.5 miyon na fondo cu a keda firma y ehecuta e siman aki via un consortioi di institucion financiero. E presidente ta hopi contento di por a sigura e fondo y pa cuminsa construccion otro aña. Segun e presidente, e campus academic nobo, combina cu e campus residencial cu a habri na September di 2021, e lo no solamente bira un di e miho facilidad di scol den Caribe sino di mundo. Construccion lo dura 18 luna y termina pa October di 2024. E campus aki lo inclui un auditorium estilo teatro, local di les ultra moderno, facilidad di investigacion, camber pa seminario, lugar di estudio pa individual y grupo, sala pa studiante y un clinica cu aceso sin cita.