Wever-Croes na radio hulandes: No ta kere cu Aruba lo haya compensacion pa pasado di sclavitud

ORANJESTAD – Prome minister di Aruba Evelyn Wever-Croes a indica cu e ta tene cuenta cu Aruba nunca lo haya sumanan concreto como compensacion pa e famianann di esnan cu tabata esclavo. Asina e mandatario a declara den un entrevista na radio Hulandes e siman aki. Durante e programa  “Geld of je Leven” riba  NPO Radio1 e t abisa tambe cu e ta prefera pensa kico nos kier logra den futuro. E relato ta observa cu premier Wever ta kere cu ta dificil pa yega na un suma concreto. Pesey, e ta splica, e la pidi e comision na Aruba pa pensa riba e futuro. “Con nos kier evita e retraso socal eventual cu ta existi awor debi na e pasad di sclavitud” e mandatario ta puntra den e programa.  Segun e mandatario, nan lo saca mas probecho di esey. Otro siman dialuna, gabinete Rutte lo presenta despensa pa e pasado di sclavitud. E momento a wordo ricibi cu critica di diferente persona y instancia pasobra nan ta pensa cu e ta mucho lihe y cu e fecha no tin ningun significacion. A sugeri cu lo mester haci esaki otro aña juli ora cu ta conmemora e abolishon di sclavitud.   

SORPRESA

Premier Wever a bisa den e programa cu e la wordo gara di sorpresa door di e rapidez di e despensa. Basa riba e fecha cu hopi a recomenda pa e despensa (otro aña juli), Wever a bisa cu e ta considera 19 di December como un coma, y no un punto. E premier kier tambe pa tin un investigacion na e efecto di sclavitud na Aruba. Awe diahuebs tin un caso sumario den corte Hulandes, entama pa organisacionan surnameño pa evita cu e despensa ta tuma lugar dia 19 december awor.