Awe Corte ta sigui trata caso Avestruz, cu defensa di e respectivo abogadonan defensor

ORANJESTAD – Despues di un ausencia di algun siman, awe dialuna mainta Corte ta continua cu e caso penal grandi contra corupcion di tereno di gobierno, esta caso Avestruz, cu e sospechoso principal, ex minister Benny Sevinger y 11 otro sospechoso. Awe ta toca turno na e abogadonan di e respectivo sospechosonan pa nan presenta nan defensa cada uno. Pa esaki, corte a reserva un total di 3 dia, cu ta cuminsa awe dia 12 y ta caba diaranson dia 14 di December. Unabez cu esaki termina, si no tin nada extra, huez lo cera e caso y dicta sentencia den luna di januari 2023. 

APELACION

Durante un programa di Noticiacla LIVE siman pasa, e sospechoso principal Sevinger a laga sa caba cu mirando cu e ta sigur di su inocensia, e lo apela su caso mesora den un eventual castigo di prison of cualkier otro castigo, y lo bay te Nacionan Uni si ta necesario.