AHATA: Ocupacion di hotel na Aruba ta recuperando

ORANJESTAD -  Aruba Hotel & Tourism Association (AHATA)  ta acumula e cifranan di ocupacion y prijs di hotelnan tur luna, y CEO di AHATA, Tisa LaSorte, ta raporta cu e recuperacion cu hotel ta experienciando ta basa riba e prijs mas halto pa cada camber mientras cu ocupacion ainda ta menos cu na 2019.

NOVEMBER 2022:

-           Ocupacion: E grado di ocupacion tabata 79%; representando un recuperacion di 94% compara cu nivel di ocupacion na 2019. 

-           ADR: E balor averahe di cada camber bendi tabata $281.10, cual ta 19% mas cu na 2019.

-           RevPAR: E entrada averahe pa tur camber disponibel tabata $221.78, cual ta un aumento di 12% compara cu RevPAR di November 2019.

AVERAHE DI AÑA TE CU NOVEMBER: 

-           Ocupacion: E ocupacion averahe te cu November tabata 74%; un recuperacion di 88% compara cu 2019. 

-           ADR: E balor averahe di cada camber bendi tabata $298.90, cual ta 11% mas cu na 2019.

-           RevPAR: E entrada averahe pa tur camber disponibel tabata $221.73, cual ta un recuperacion di 97% compara cu RevPAR averahe te cu November 2019. 

PROYECCION:  

Ta proyecta un recuperacion di 100% pa luna di December. Pa otro aña, 2023, e expectativa ta pa un recuperacion di 97% compara cu 2019. Pues practicamente bek na e nivel prome cu pandemia. 

TIMESHARE:

Ocupacion na propiedadnan Timeshare tabata 87% na November .