Van Huffelen ta sigui preocupa riba violacion di privacidad despues di reunion cu ehecutivonan di TikTok

DEN HAAG – Secretario di estado hulandes van Huffelen cu tin e cartera di digitalisacion tambe, ta preocupa pa e reglanan di privacidad di e medio social popular TikTok. Segun e relato, informacion di mucha por yega den man di gobierno Chines hopi facil. Esey e la bisa e representantenan di e compania diabierna den un combersacion. Despues di e combersacion, e mandatario a bisa cu e compania ta admiti cu e no ta cumpli cu tur regla y cu nan ta trahando riba mehoracion di esey. E kier pone un plan di paso cu puntonan di mehoracion cu e gabinete por tin un bista ariba. Pero segun van Huffelen, esey no a logra trankilisa e mandatario. “M ta kere cu ta hopi importante pa nan no solamente priminti cu na lo cumpli cu e reglanan, pero cu nan por demostra esey tambe. Y esey nos ta bay vigila proximamente hopi bon” e mandatario a sigui bisa.