Parlamento di Peru a baha su presidente Pedro Castillo

Parlamento di Peru a baha su presidente Pedro Castillo

Posted on 12/7/2022 4:08 pm AST | Updated on 12/7/2022 4:09 pm AST

LIMA – Parlamento di Peru a baha su presidente Pedro Castillo diaranson atardi. Despues, trupanan di seguridad a detene e presidente. Prome cu e voto di desconfiansa, Castillo a anuncia pa desolve e Parlamento den un intento pa evita su retiro. Den un discurso televisa, e la anuncia un gobierno interino y un toke de queda y eleccion nobo. Pero tur esaki a crea aun mas critica riba dje. Vise presidente Dina Boluarte ta papia di un golpi di estado. Ta intencion pa Boluarte sigui goberna e pais awor cu a baha Castillo. 

 

  • Awor ta Venezuela a cera frontera aereo pa islanan ABC te fin di April

    Awor ta Venezuela a cera frontera aereo pa islanan ABC te fin di April

    CARACAS – Venezuela a prohibi buelonan desde y pa islanan ABC di e siman aki te dia 30 di April 2023. Mescos Aruba a bolbe extende ciere di frontera cu tres luna. Te cu dia 21 di April di e aña aki. Esaki mientras partidonan ta na mesa pa negosha riba reapuertura di frontera maritimo. E ciere di frontera area di banda di Venezuela, ta zona straño mirando cu Aruba pa masha tempo tin e frontera cera caba, pues de hecho ta mas un hecho reciproco pero cu no tin efecto ya cu e frontera ta cera caba. Solamente e biaha aki e anuncio a bin di e forma aki, cu a hala atencion. 

  • Bishita di Famia Real a duna Aruba hopi cobertura internacional mes!

    Bishita di Famia Real a duna Aruba hopi cobertura internacional mes!

    ORANJESTAD – Un punto hopi positivo di e bishita di Famia Real pa Aruba, ta e cobertura grandi cu esaki ta duna nos isla. Por lo menos 30 medio internacional di tur parti di mundo a duna atencion na e prome dia di bishita di e Famia Real. Tur medio Hulandes, hopi medio den otro parti di Europa, Caribe, Merca y Asia a duna atencion. Noticiacla a logra compila mas of menos 20 medio cu a duna cobertura di e prome dia, unda cu e nomber di Aruba y Amalia a resalta grandemente, completo cu potret. 

  • Aeroliña Colombiano ta ofrece tarifa pa Aruba di 1 dollar Mericano!

    Aeroliña Colombiano ta ofrece tarifa pa Aruba di 1 dollar Mericano!

    BOGOTA – E aeroliña Colombiano Wingo a lansa un promocion di locura pa 18 destinacion internacional, unda cu por bula for di Bogota pa 18 destinacion internacional pa apenas $1 dollar Mericano, excluyendo impuestos. E interesante ta cu Aruba ta figura den e destinacionan aki. Den 2022 a registra no menos cu 4.9 biahero cu e aeroliña a transporta segun cifra di migracion di Colombia. E viajero tin te awe mei anochi diabierna 27 di januari 2023 y por bula e ora di awe te dia 28 di October 2023. Nan ta mas di 48 mil stul cu e aeroliña a pone disponible den e promocion aki. Fuera di Aruba, e paisnan cu ta wordo conecta for di Bogota, ta Curacao, Guayaquil, Lima, Santo Domingo, Punta Cana, San José, Panamá y Quito desde Bogota.  

  • Pelicula ‘Everything Everywhere All at Once’ ta lidera nominacionan pa premio Oscar 2023

    Pelicula ‘Everything Everywhere All at Once’ ta lidera nominacionan pa premio Oscar 2023

    LOS ANGELES – Cu 11 nominacion, e pelicula di accion y Aventura Everything everywhere all at once ta lidera e lista di nominado pa e premio cotisa Oscar, cu ta keda otorga di dos siman di luna di maart di e aña aki. E pelicula The banshees of Inisherin y e drama Aleman All quiet on the Western front ta sigui cu 7 nominacion cada uno. E pelicula di Tom Cruise, Top Gun:Maverick tambe ta nomina.

  • Merca su candidata R’Bonney Gabriel a corona como e Miss Universo 2022

    Merca su candidata R’Bonney Gabriel a corona como e Miss Universo 2022

    NEW ORLEANS – E representante di Merca, R'Bonney Gabriel a gana e certamen di Miss Universo 2022 diasabra anochi na New Orleans. Un di e favoritonan grandi, Gabriela Dos Santos a logra yega te den e 5 finalistanan pero a cay chikito pa drenta den e ultimo 3 candidatonan. Venezuela y Republica Dominicana tabata parti di e 3 finalistanan. Hopi tabatin Corsou pa yega te 1e finalista y otronan te hasta a mire pa tin e corona mes. Pero esaki no a materialisa. Aunke un favorito tambe entre e 84 candidatonan, Aruba no a logra cay den e finalistanan. Asina mes e la percura pa basta atencion durante su periodo di e certamen.  

  • FAA: Fayo humano tabata causa di problema di aviacion e siman aki na Merca

    FAA: Fayo humano tabata causa di problema di aviacion e siman aki na Merca

    NEW YORK – E problema cu computer na Merca cu a pone cu diaranson tabatin un chaos di aviacion cu a afecta Aruba tambe, tabata consecuencia di un fayo humano. Esey e agencia federal Mericano di Aviacion FAA a anuncia. Segun FAA, e personal no a sgui e procedura normal cu a resulta den un fayo di data. Esey a pone cu consecuentemente e sistema di NOTAM (Notificacion di informacion importante) a cay afo. Ta trata di dos persona di un compania externo cu ta respnsabel pa e problemanan. Nan lo a trece cambio den e sistema. No sa si ta fayo of algo intencional ainda. Ademas e sistema di backup no a funciona. Door di esaki, miles di buelo a keda afecta pa un ora y mei, cu ta algo cu ta prome biaha a sosode den 20 aña. Aruba tambe a wordo afecta grandemente pa esaki. Por lo menos 8 di 12 buelo a sufri retraso serio. 

  • Powered by SETAR