- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
Ex-gerente di CHTA Education Foundation a haci presentacion na varios supervisor den turismo
ORANJESTAD - E asosacion conoci como Aruba Timeshare Association (ASA) su iniciativa di entrenamiento rond e isla, presenta pa CHTA Education Foundation, a haya un sorpresa riba recientemente ora cu pa medio di Tom Pas cu a pasa un rato pa combersa cu e 24 supervisornan. Pas tabata gerente di Education Foundation entre 2002 cu 2013 y ta pasiona riba su desaroyo personal y yuda otro hende haya un chens pa mehora nan bida profesional.
E ex-gerente a bisa e grupo: 'Ami ta kere den educacion. Mi ta pensa cu bo mester haya mentornan fantastico durante bo trayectorio den hospitalidad. Como un jong waiter, mi mentor tabata vice presidente na Disney Europe, como un ban queting manager mi mentor tabata un asistente personal na Reina Julianna. Mi tabata sinti cu mi por a logra tur cos. Como un General Manager mi a guia Playa Linda Beach Resort & Time Share den fasenan di opening dos y tres. Mi a duna guia di mentor na un tremendo room attendant pa ta mi supervisor di housekeeping principal y mentor Francis Ridderstap, mi a mand'e na NY Nassau College, USA, anto el a bay over na wordo celebra como e CHTA Supervisor of the Year y ta briyando actualmente na Aruba Divi Leisure na posicion di Manager.'
'Mi semper tabata tin metanan - inicialmente pa mi bira un docente, y mi a logra esaki por medio di mentoring. Mi kier a bira miembro di un flight crew pero na mi haltura di 6'4 mi no tabata fit den e avionnan di islanan chikito. Mi tabata determina pa bira un manager jong na edad di 20 aña mi a bira un night manager na Hilton Curacao, na unda e managers y guests tabata semper corda mi. Cuater aña despues nan a contrata mi pa habri cuater Holiday Inn Hotels na Sur Africa. Mi semper a enfoca y concentra na loke mi tabata kier a bira.'
'Cada persona ta un streya, pero tin biaha nos ta faya pa reconoce e streya. Puntra bo mes, con mi por briya? Por medio di traha duro y sabi. Aki aya, puntra bo hefe, con bo ta haya mi trabao? Con mi por mehora? Y tuma accion adecua, nunca stop di siña.'
Pas a conclui cu un palabra di motivacion pa e supervisors pa nan pasa pret y bon mientras nan carera ta progresa. E tambe ta encurasha nan pa aplica pa scholarships den hospitalidad obtenibel via e Education Foundation. Karolin Troubetzkoy, Chairwoman actual a bisa cu 'The Education Foundation ta gradici Tom pa su sosten continuo y AHATA pa nan compromiso cu Aruba. Nos ta hopi contento di por ta partner cu Aruba Timeshare Association, den e proyecto di training actual den hospitalidad y turismo cu ta sold out rond e isla.'
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Pastoral Hubenil Aruba cu Caminda di Luz Hubenil na misa di Dakota
ORANJESTAD - Tur luna, Pastoral Hubenil Aruba (PHA) ta organisa un evento pa su miembronan y hubentud en general. Pa luna di april, e actividad ta diabierna 26 di april proximo y PHA lo tene un Caminda di Luz Hubenil den misa di Birgen di Fatima na Dakota. Durante e Caminda di Luz of Via Lucis, nos ta recorda e aparicion y momentonan cu a pasa despues di resureccion di Hesus.
Exposicion ‘The trip of my life’ na Bibioteca Nacional di Aruba
ORANJESTAD - Dialuna atardi, dia 15 di april, di 6or pa 8or tabatin apertura di e exposicion di cuadra di Corina Coray, titula ‘The trip of my life’ na Biblioteca Nacional Aruba. A presenta un coleccion di 30 obra di Corina Coray den Sala di Exposicion y esaki ta habri henter siman durante orario regular di biblioteca.
A.T.A. a celebra Earth Day 2024 cu donacion na ‘Ban Lanta y Planta’
ORANJESTAD - Pa conmemora Dia Internacional di Mama Tera 2024, y na un manera diferente, A.T.A. a scoge pa otorga un donacion na organisacion non-profit cu oficialmente a wordo estableci na 2020, esta ‘Ban Lanta y Planta’. Un organisacion cu ta carga e meta pa planta un total di 10.000 mata local pa asina crea, conserva, y restaura un eco-sistema caminda cu flora, fauna, y nos hende local por prospera y co-existi den harmonia.
A.T.A. y Aruba Convention Bureau a contribui na proyecto educacional ‘Edmentum’
ORANJESTAD - A.T.A. y Aruba Convention Bureau (ACB) a forma parti di proyecto Edmentum. Un proyecto cu ta enfoca riba educacion, cu enfasis riba renobacion of construccion di un espacio educativo. Proyecto Edmentum ta diseña pa tin un impacto duradero riba e comunidad local mientras ta ofrece un experencia significante y agradabel pa tur e participante/ voluntario local y internacional.
Follow NoticiaCla
