Trahadornan di El Gaucho a protesta pa un ora
ORANJESTAD - Awe, 5 di December 2022 pa 6or di atardi, sindicato FTA a yama un accion di protesta na El Gaucho Restaurant. Motibo di e protesta ta cu desde cu FTA a gana e referendum pa representa e personal na fin di Mei di e aña aki, no ta ricibiendo cooperacion di e empresa pa cu negociacion di un Contrato Colectivo di Trabao (CAO).
Cuminsamento di Oktober FTA a manda un concepto di CAO pa El Gaucho cu e peticion pa bai mesa di negociacion. Despues di no a ricibi ningun reaccion, un luna despues a FTA a pidi intermediacion di Mediador di Gobierno. Na e momento ey e empresa a reacciona bisando cu lo cuminsa negocia fin di November, locual mientrastanto tampoco a tuma lugar. E miembronan di FTA laborando na El Gaucho no por interpreta e actitud aki di otro forma cu no ta tacticanan di demora di parti di e empresa.
Segun ley un dunador di trabao tin e obligacion pa negocia un CAO cu e sindicato cu gana un referendum (art. 14a par. 4 di e Arbeidsgeschillenverordening).
FTA ta lamenta cu na lugar di tuma un postura constructivo, El Gaucho ta scohe pa ignora su deber legal. Nos ta spera cu e accion di protesta aki lo pone e empresa recapacita y sinta na mesa pa yega na un acuerdo colectivo na beneficio di tur partido envolvi.
Premio miyonario a cay pero mester a wordo parti entre dos persona!
ORANJESTAD – Despues di tin casi un luna purbando, Aruba tin dos ganador di e premio grandi pero solamente un prome miyonario pa 2023 awe nochi. E premio a cay y e numbernan ta 06, 17, 23, 30, y megaball 14. Como cu un persona a cumpra mega plus y e otro ‘solamente’ mini mega, ta solamente un persona a gana e miyon plus y e otro no. E persona cu a hunga mega plus a gana 1.837.500,=, mientras cu e persona cu a cumpra e mini mega ‘so’ a gana 900.000,=. E numbernan ganador a wordo cumpra na Tele Uno Lottery na Piedra Plat, mientras cu esun di 900 mil, a cumpra su di dje na Pearl Lottery na Wayaca. Pabien na e dos ganadornan!.
Abo ta cla pa bira e prome miyonario di 2023
Abo ta cla pa gana placa di biaha cu Instacash?
British Airways ta bishita Aruba Airport Authority N.V.
ORANJESTAD – Aruba Airport Authority N.V. (AAA) a yama Bon Bini na Team Operacional di British Airways (BA). Durante di e bishita, e Team di British Airways, a wordo ricibi pa Srs. Joost Meijs, CEO, Jurgen Benschop, COO, Sra. Barbara Brown, CRDCO, Jo-Anne Meaux Arends ABDE, y Manager di Operación, Srta. Marylou v/d Linden. Tambe tawata presente CEO di Aruba Tourism Authority, Sra. Ronella Croes y CMO, Ms. Sanju Luidens.
Abo ta cla pa gana placa di biaha cu Instacash?
SETAR N.V. ta celebra su di 20 anniversario awe!
Follow NoticiaCla
