FTA y Hilton Resort Aruba ta firma nan di 10 CAO
ORANJESTAD - Despues di algun sesion di negociacion intensivo pero alavez constructivo, recientemente Federacion di Trahadornan di Aruba (FTA) y Hilton Aruba Caribbean Resort a firma nan di 10 contrato colectivo di trabao (CAO) desde e prome acuerdo cu a wordo firma 31 aña pasa na 1991.
CONTENIDO WIN WIN
Ta trata aki di un acuerdo totalmente moderniza y actualiza unda cu ademas di a acorda un aumento salarial di 11.5% den 4 aña y aumento di beneficionan secundario existente, a agrega tambe beneficionan secundario di cual algun ta totalmente nobo den e sector, manera por ehempel indexacion automatico di varios beneficio na e aumento annual di salario, introduccion di un tarifa di gratificacion minimo garantiza den departamento di Housekeeping, como tambe un garantia monetario adicional di Tronc y gratificacion minimo durante temporada di construccion.
Un acuerdo di cual ambos partido por ta sumamente satisfecho cun’e y den cual e meta principal tawata pa yega palabracionnan cu ta “win win”.
Premio miyonario a cay pero mester a wordo parti entre dos persona!
ORANJESTAD – Despues di tin casi un luna purbando, Aruba tin dos ganador di e premio grandi pero solamente un prome miyonario pa 2023 awe nochi. E premio a cay y e numbernan ta 06, 17, 23, 30, y megaball 14. Como cu un persona a cumpra mega plus y e otro ‘solamente’ mini mega, ta solamente un persona a gana e miyon plus y e otro no. E persona cu a hunga mega plus a gana 1.837.500,=, mientras cu e persona cu a cumpra e mini mega ‘so’ a gana 900.000,=. E numbernan ganador a wordo cumpra na Tele Uno Lottery na Piedra Plat, mientras cu esun di 900 mil, a cumpra su di dje na Pearl Lottery na Wayaca. Pabien na e dos ganadornan!.
Abo ta cla pa bira e prome miyonario di 2023
Abo ta cla pa gana placa di biaha cu Instacash?
British Airways ta bishita Aruba Airport Authority N.V.
ORANJESTAD – Aruba Airport Authority N.V. (AAA) a yama Bon Bini na Team Operacional di British Airways (BA). Durante di e bishita, e Team di British Airways, a wordo ricibi pa Srs. Joost Meijs, CEO, Jurgen Benschop, COO, Sra. Barbara Brown, CRDCO, Jo-Anne Meaux Arends ABDE, y Manager di Operación, Srta. Marylou v/d Linden. Tambe tawata presente CEO di Aruba Tourism Authority, Sra. Ronella Croes y CMO, Ms. Sanju Luidens.
Abo ta cla pa gana placa di biaha cu Instacash?
SETAR N.V. ta celebra su di 20 anniversario awe!
Follow NoticiaCla
