Hulanda hungando un mal wega, ta empata cu Ecuador na 1 goal

DOHA – Hungando un mal futbol, e seleccion nacional hulandes a empata cu e seleccion nacional di Ecuador cu un score di 1-1 diabierna. Cu esaki, ambos ekipo ta keda na bida y cu un garantia pa pasa pa e siguiente buelta si e empata mes den su proximo wega cu ta contra Qatar cu ainda no a gana un wega. Pues pasa, Hulanda lo pasa. E pregunta ta si e ta haci esaki como number 1 of dos di su grupo. Hopi ta comenta cu Hulanda tabatin suerte di a mantene e wega na 1 goal y no cay venci contra e pais andino.

E WEGA

Hulanda a cuminsa perfecto cu un goal apenas 5 minuut den e wega. Sinembargo despues e wega a cambia di direccion y Ecuador a defende su curpa y no a duna Hulanda chens. Despues un gol di Ecuador a keda elimina como ‘offside’, pero despues si e goal anticipa di Ecuador a drenta y tabata valido. Hulanda tabatin hopi dificultad mes cu Ecuador cu a mustra cu nan ta fuerte y mester tene cuidou cu ne.