Hulanda hungando un mal wega, ta empata cu Ecuador na 1 goal

Hulanda hungando un mal wega, ta empata cu Ecuador na 1 goal

Posted on 11/25/2022 2:17 pm AST | Updated on 11/25/2022 2:18 pm AST

DOHA – Hungando un mal futbol, e seleccion nacional hulandes a empata cu e seleccion nacional di Ecuador cu un score di 1-1 diabierna. Cu esaki, ambos ekipo ta keda na bida y cu un garantia pa pasa pa e siguiente buelta si e empata mes den su proximo wega cu ta contra Qatar cu ainda no a gana un wega. Pues pasa, Hulanda lo pasa. E pregunta ta si e ta haci esaki como number 1 of dos di su grupo. Hopi ta comenta cu Hulanda tabatin suerte di a mantene e wega na 1 goal y no cay venci contra e pais andino.

E WEGA

Hulanda a cuminsa perfecto cu un goal apenas 5 minuut den e wega. Sinembargo despues e wega a cambia di direccion y Ecuador a defende su curpa y no a duna Hulanda chens. Despues un gol di Ecuador a keda elimina como ‘offside’, pero despues si e goal anticipa di Ecuador a drenta y tabata valido. Hulanda tabatin hopi dificultad mes cu Ecuador cu a mustra cu nan ta fuerte y mester tene cuidou cu ne. 

 

  • Telearuba ta transmiti Serie di Caribe via ‘Nos Pais Television’ pa wak seleccion reforsa di Corsou cu Aruba

    Telearuba ta transmiti Serie di Caribe via ‘Nos Pais Television’ pa wak seleccion reforsa di Corsou cu Aruba

    ORANJESTAD—Canal di televishon Nos Pais i su direktora Mavis Albertina, awe tardi durante un rueda di prensa a anunsiá cu islanan Aruba, Corsow, Boneiro y Sint Maarten, pa promé biaha den historia, por mira selekshon di Corsow reforsá cu peloteronan tambe di nos partisipá na un Serie di Caribe di beisbòl. E kanal di televishon ofisialmente a atkerí derechinan eksklusivo pa transmishon di tur wega durante e torneo di beisbòl mas grandi den Caribe i Latino America.

  • CMB a entrega donacion di Urataka Run & Walk 2023

    CMB a entrega donacion di Urataka Run & Walk 2023

    (ADVERTORIAL)

  • Aruba Paralympic Committee a colabora cu proyecto Ami tambe ta Campeon!

    Aruba Paralympic Committee a colabora cu proyecto Ami tambe ta Campeon!

    ORANJESTAD - E team di Aruba Paralympic Committee (APC) y team di IBiSA a colabora  cu otro den e proyecto “Ami tambe ta campeon!”. Un proyecto cu ta pa stimula e scolnan pa muchanan cu limitacion tambe participa den deporte escolar. E biaha aki e competencia a tuma lugar den e siman di 16 -20 januari 2023.  Segun e comitiva, ta di admira e entusiasmo cu e muchanan tin pa participa den deporte pero tambe ta aplaudi e scolnan cu ta keda encurasha e muchanan pa participa. Den cuadro di e proyecto “Ami tambe ta campeon” e dos atletanan Raynar Herrera di Colegio Nigel Matthew y Kayleen Petrochi di Scol Soeur Juliette ta e prome atletanan cu ta forma parti di e proyeto aki. Kayleen ta e prome atleta pa competi den rolstoel pa careda na stadion Guillermo Trinidad. Esaki sigur ta algo di aplaudi y ta un estimulo pa tur otro alumnonan cu tambe ta den rolstoel participa den deporte. E rolstoel di deporte aki lo ta disponibel pa tur mucha den rolstoel por usa. Cu sosten di e Marlou van Rhijn foundation, APC por a logra hanja e stoel aki pa mas mucha na Aruba por usa. Si tin interes por tuma contacto libremente cu APC na 6998300 of por email na [email protected] IBiSA y APC lo sigui stimula mas muchanan cu limitacion pa bin participa den school sport y ta parti di e proyecto "Ami tambe ta campeon!".

  • Dos hoben Arubiano a firma cu ekiponan di Grandes Ligas di baseball Mericano den weekend

    Dos hoben Arubiano a firma cu ekiponan di Grandes Ligas di baseball Mericano den weekend

    ORANJESTAD – Den fin di siman dos Arubiano hoben a keda firma pa un oportunidad den baseball Grandes Ligas di Merca. Ta trata di Joan Sierra cu a firma cu San Diego Padres y  Joenelly Van Der Linden cu a firma cu Pittsburg Pirates. Ambos ta ambiciona e posicion di short stop. Mester bisa cu van der Linden ta un di e 22 hungadornan cu e ekipo a firma diadomingo.  E periodo pa firma hungadornan prospecto nobo a habri dia 15 (ayera) y riba e prome dia, a firma e dos localnan aki caba. Ta trata di un total di 30 ekipo cu por a firma hungadornan nobo. Ningun di e hungadornan sinembargo aki ta oficial, te ora cu nan firma nan contracto y completa nan test fisico y keda aproba pa e oficina di e comisionado. Den caso di esnan di Aruba, nan a firma caba, y falta e test fisico solamente. E period di firma ta finalisa te 15 di December di e aña aki. NOTA: Potret cortesia di 297 Sports. 

  • E prome careda di aña a tuma lugar, Urataka Run & Walk patrocina pa CMB

    E prome careda di aña a tuma lugar, Urataka Run & Walk patrocina pa CMB

    ORANJESTAD - Cu mas di 700 participante y un record di tempo cu a wordo supera, diasabra dia 14 di januari ultimo e prome careda di coremento di aña Urataka Run & Walk a haci su regreso den curazon di Santa Cruz.  Un evento yena cu ambiente, Caribbean Mercantile Bank N.V. conhuntamente Urataka Center, ta marca e di 23 edicion di e evento deportivo aki.  

  • Aruba, Boneiro, Curaçao y Sint Maarten den proyecto deportivo Serie del Caribe 2023

    Aruba, Boneiro, Curaçao y Sint Maarten den proyecto deportivo Serie del Caribe 2023

    ORANJESTAD -  Aruba, Boneiro, Curaçao y Sint Maarten ta participa den proyecto deportivo Serie del Caribe 2023. Asina a keda participa den un conferencia di prensa recientemente na Corsou. E canal di television Nos Pais Television di Curaçao a adkiri oficialmente e derechonan exclusivo pa transmiti wega durante e torneo di baseball mas grandi den Caribe y Latino America. TeleAruba canal 23 ta carga e señal den cadena cu Nos Pais Television, pa asina transmiti e wega pa e pueblo di Aruba. Serie del Caribe 2023 ta un proyecto deportivo di baseball profesional cu ta tuma luga di 2 pa 10 di febuari 2023 na Venezuela. Ekiponan campeon y profesional di Venezuela, Republica Dominicana, Cuba, Puerto Rico, Mexico, Panama y Colombia ta participa y pa prome biaha den historia e islanan di Aruba, Boneiro, Curaçao y Sint Maarten ta bay participa. Profesionalnan di  Aruba den e deporte di baseball cu ta biba den exterior, manera sr. Patrick Didder y sr. Ryan Hunington a confirma nan participacion den Serie del Caribe 2023. TeleAruba lo transmiti un total di 32 wega di Serie del Caribe. Narado sr. Edson Kelly di Aruba ta reforsa e transmision hunto cu narado di Curaçao y Boneiro.  

  • Powered by SETAR