- Bucuti & Tara Beach Resort a Celebra Housekeeping Week cu Premionan y Reconocementonan Special
- KNVB: Wega suspendi entre Ajax y Feyenoord na Hulanda, ta sigui diaranson awor
- Gobierno a inicia siman di accion pa cu metanan di desaroyo sostenible (SDG's)
- KLM a yega na acuerdo cu pilotonan, evitando un welga awe
- SKOA a celebra nan acreditacion oficial di e programa Erasmus+
Presentador hulandes popular ta retira per direct despues di revelacion di Volkskrant
HILVERSUM – E conocido presentador hulandes di programa Matthijs van Nieuwkerk ta para su trabou ‘per direct’ cerca BNNVARA. "E hecho mi dunado di trabou ta duda den mi sinceridad, ta haci un continuacion di trabou imposibel” e presentador a declara. E causa di e acto aki ta un articulo den e vespertino hulandes Volkskrant di diabierna ultimo cu ta revela cu e presentador di e programa De Wereld Draait Door a haci su mes culpable añanan larg na comportacion incorecto. E corant a papia cu decenas di ex colega cu tabata papia di rabia y humiyacion publico.
KNVB: Wega suspendi entre Ajax y Feyenoord na Hulanda, ta sigui diaranson awor
AMSTERDAM – E resto di wega di futbol suspendi diadomingo entre Ajax y Feyenoord, conoci como e wega classico, ta sigui diaranson atardi 2’or ora di Hulanda. Un wega cu ta hopi popular entre amantenan di futbol na Aruba. Asina e federacion Hulandes di Futbol KNVB a anuncia dialuna mainta. E wega a keda suspendi diadomingo debi na vuurwerk riba tereno cu a desemboca despues den violencia di e manifestantenan conoci como Hooligans. Sinembargo tanto Ajax como Feyenoord ta evaluando pa demanda KNVB den corte, pasobra nan no ta di acuerdo cu e decision tuma. Ajax tin un wega programa cu otro ekipo, cu ta FC Volendam.
KLM a yega na acuerdo cu pilotonan, evitando un welga awe
SCHIPHOL – Pilotonan di KLM no a bay den accion dialuna manera planea pa un ora pa un miho CAO. Esaki pasobra KLM a anuncia diadomingo anochi cu a yega na un acuerdo toch. Segun e aeroliña, e sindicato y pilotonan a haya otro riba liñanan grandi. E siguiente dianan e acuerdo mester wordo elabora mas. E sindicato tabata kier un aumento di salario di por lo menos 6% pa aña, mientras cu KLM tabata dispuesto pa solamente 5%. E intencion tabata pa entre 11’or y 12’or dialuna (un ora) pone trabou abou. Esey lo a causa cu 15 buelo lo mester a core retraso.
Na Hulanda polis a detene 15 persona despues di wega suspendi entre Ajax y Feyenoord
AMSTERDAM – Un total di 154 persona a keda deteni despues cu di e wega suspendi entre Ayax y Feyenoord diadomingo. Ademas 2 agente policial a keda herida despues di e disturbio cu un grupo di problematico conoci como Hooligans a causa. Centenares di fanatico a drenta e entrada principal di e stadion Johan Cruijf Arena den forma cviolento despues cu e wega a keda cancela ora cu tabatin vuurwerk riba e tereno. Mester a usa gas lagrimogeno pa trece trankilidad bek.
Gobernadornan di islanan CAS a reuni cu secretario di estado van Huffelen
DEN HAAG – Gobernadornan di Aruba, Corsou y St Maarten e siman aki a reuni cu secretario di estado encarga cu asuntonan di Reino, Alexandra van Huffelen segun e asina yama ‘Gouverneursoverleg’ manera ley ta prescribe.
Tweede Kamer Hulanda: Aumenta salario minimo pero no prijs di gasoline y trein
DEN HAAG – Parlamento di Hulanda, osea Tweede Kamer kier cambia e presupuesto di otro aña cu 4 biyon euro pa por aumenta e forza di compra di e ciudadano Hulandes. Mocionan pa aumenta salalario minimo, reduci accijns riba gasoline y no aumenta e tarifa di carchi di trein, a keda acepta durante e debate di dos dia riba e presupuesto di Tweede Kamer diahuebs. Dos mocion no a logra cu tabata entre otro e proposicion di lider di PVV di Wilders pa no aumenta e salario di Rey Willem-Alexander cu 55 mil euro otro aña.
Salario di Rey Willem-Alexander ta aumenta otro aña cu 55 mil euro
AMSTERDAM – Rey Willem-Alexander y Reina Maxima nan salario ta aumenta atrobe considerablemente otro aña. Na tur, nan ta haya 600 mil euro extra na salario y gasto di operacion diario. Esaki ta conforme e desaroyo di salariuo conforme e CAO pa Gobierno di Reino. E salarionan ta aumenta pasobra e ta wordo compensa pa inflacion.
Follow NoticiaCla
