- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Arte di glas ta haci su gran entrada fo’i man di Lava Aruba Glass Studio
(ADVERTORIAL)
ORANJESTAD, Recientemente prensa local tabatin e oportunidad di cera conoci cu e atraccion mas nobo riba nos isla. Tras lunanan di wak e edificio haya forma, e curiosidad a yega su punto maximo y awo nos ta hopi cerca pa tur por admira y adkiri e piesanan espectacular di glas cu tin na Lava Aruba Glass Studio.Director Bruno Ava Ibarra a yama e representantenan di media local bon bini brindando nan un introduccion di e concepto, pero tambe di e tradicion su tras. Su famia tin mas di seis decada den e negoshi di glas Murano cu, despues di a origina na Italia, a bin cu ne Venezuela y awo orguyosamente ta yega Aruba.Suplamento di glas ta un arte di maestria y precision cu a origina den siglo ocho na Italia y su tecnica tabata scondi pa hopi siglo. Awendia tin dinastianan cu ta domina e expresion a traves di diferente estilo caminda tur forma y color ta posibel.Ademas di por scoge for di un variedad amplio di piesa cu ta bay for di accesorio personal te na decoracion pa hogar den nan tienda, Lava Aruba Glass Studio ta brinda e oportunidad di ta testigo, en bibo den e tayer, di con e maestronan ta traha cu e elementonan y ta bin cu creacionnan unico.E obhetivo di Lava Aruba Glass Studio semper tabata pa, ademas di aporta na e oferta turistico di e isla, tambe enrikece su escena cultural. Esey ta posibel realisando un tour di e facilidad y pa medio di lesnan caminda e participante, sea local of bishitante, por siña di e arte y biba un experiencia inolvidabel.Adicionalmente, Lava Aruba Glass Studio ta ofrece un atmosfera sumamente agradabel cu un area di cafe completamente ekipa caminda por sinta relaha, topa of combersa mientras ta saborea algo dushi pa bebe y come.Lava Aruba Glass Studio ta ubica na Caya Harmonia 4, visibel for di Avenida Nelson Orlando Oduber, entre Taco Bell y D Shop. Conoce mas bishitando nan pagina web, www.lavastudioaruba.com of na pagina riba Facebook y Instagram. Nan ta habri tur dia entre 9’or di mainta y 5’or di atardi.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
