Sarpa lo sigui bula normal entre Medellin y Aruba

MEDELLIN – Contrario na e situacion di Corsou, e aeroliña colombiano Sarpa ta mantene su buelo entre Medellin y Aruba vigente. Asina e portal luchtvaartnieuws.nl ta raporta. Despues cu Sarpa a anuncia cu e ta stop cu buelonan pa Corsou na januari 2023, ta keda ainda Ez Air y JetAir cu ta ofrece buelonan directo cu Medellin.  

CORSOU

Sarpa ta (ainda) bulando dos biaha pa siman pa Corsou pero dia 6 di januari 2023 esey ta stop. Tabata aña pasa cu Sarpa a inicia cu buelonan riba e ruta Aruba y Corsou, pero e aeroliña mester a stop su rutanan intern debi na un competencia fuerte cu otro aeroliñanan manera Wingo, Viva Air y Avianca, cu tambe a aplica e modelo di costo abou. 

E aeroliña ta mustra tambe riba cambio di mercado y e devaluacion di e peso colombiano, como factornan cu a contribui na e decision pa cancela e buelonan.