ORANJESTAD - Diaranson mainta Parlamento a aproba e Presupuesto 2023 cu tin un surplus di 63 miyon florin. Esaki tin hopi tempo sin sosode, esta cu ta aproba presupuesto di e pais, prome cu e aña mes. Ultimo par di aña tabata entrega e presupuesto laat, y despues tabata tarda un eternidad pa aproba esaki, tin biaha te mitar di e aña den cual e presupuesto mestr ta vigente. Pa loke ta e logro di awe, Prome Minister Evelyn Wever-Croes personalmente ta considera esaki hopi particular pasobra segun e mandatario, e ta refleha e compromiso di Gabinete Wever-Croes desde cu a cuminsa goberna na 2017. E meta desde e prome dia tawata pa soluciona e problemanan financiero di nos pais. “Nos a traha hopi duro pa logra”.
Prome Minister a duna di conoce cu na 2018, a cera e deficit cu Gobierno a hereda. Na 2019, a cera e presupuesto cu un surplus di 4 miyon florin. Den e mesun tempo den Parlamento, Gobierno a anuncia cu na 2020 lo tin un surplus di 40 miyon florin pa cua motibo Gobierno tawata hopi orguyoso. Sinembargo, manera Aruba henter sa, e pandemia a causa daño y cambionan drastico. Resultado di esaki ta cu Aruba a conoce un deficit di 1028 miyon florin.
“Awe, Parlamento a aproba un presupuesto pa asina 2023 Aruba tin un surplus di 63 miyon florin. Esaki ta algo hopi grandi pa Gobierno y sigur pa nos pais”, Prome Minister a remarca.
Prome Minister a pone enfasis riba e importancia di tin un surplus den un presupuesto. Cu un surplus, Gobierno ta haya e espacio pa inverti den nos pais, entre otro den enseñansa, den cuido, den cuido di nos grandinan, den siguridad di nos pais, den infrastructura. Awor e producto 'final' ta bay pa gobernador firma y pa e colegio di supervision financiero controla esaki y wak si realmente e ta cumpli cu e norma. Den prome bista, ta mustra cu esaki ta e caso. Di otro banda, ta importante pa wak
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.