- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
Polis a rescata tripulantenan y boto “Michenine” riba laman
ORANJESTAD – Diamars atardi polis a rescata 2 persona riba un boto cu problema. Tabata diamars atardi pa 5:05pm cu central di polis a wordo notifica cu tin un boto cu problema di motor. Central di polis ta pasa e informacion pa RadarKamer y na nan turno a contact e persona riba e boto. E persona ta splica cu enberdad e tin problema cu motor di boto y cu nan ta riba anker. A pidi e persona pa nan posicion. E persona no por a duna esaki paso e no tin GPS, ni holoshi cu GPS ni VHF Radio abordo. A puntra e persona den ki area e ta, cuanto miya leu e ta foi tera y kiko eta wak. E persona a informa cu e ta calcula cu e ta 1 miya for eagle beach. Straight su dilanti e por wak hospital. A keda na linea cu e persona. Radar Kamer a coordina cu Maritiem pa duna asistencia. Na yegada di Maritiem a logra start e motor y a guia e boto te na canto. Ta trata di e boto A-381 registra bou di e nomber “Michenine”. Polis kier a consientisa y recorda doñonan di boto cu e siguiente tips prome subi lama:
-Informa famia of un amistad/conocir unda bo lo bay y na cua area (posicion).
-Con largo ta keda riba lama (orario)
-Cabuya largo y anker
-Percura pa tin un GPS
-VHF Radio
-Celular Full RecargA
-Lifejacket
-Flair pa anochi (señal di luz)
-Suficiente awa
Y si haya problema riba lama por yama central di polis nr 100 . Radar Kamer y Maritiem tey pa sirbi nos comunidad den nos awanan territorial.
Aruba presente na Merca pa congreso di crimen cibernetico
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
Aruba ta conoce su di 4 morto di trafico pa 2024
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Follow NoticiaCla
