Rumbo pa gala caritativo di Kiwanis Club of Aruba 2022 cu tema ‘Cirque du Soleil’

Rumbo pa gala caritativo di Kiwanis Club of Aruba 2022 cu tema ‘Cirque du Soleil’

Posted on 11/15/2022 8:31 am AST | Updated on 11/15/2022 8:32 am AST

ORANJESTAD - Miembronan di Kiwanis Club of Aruba (KCA) ta druk preparando pa e Charity Gala di 2022 cu tema “Cirque du Soleil” cu ta bay tuma lugar dia diabierna venidero 18 di november den e ballroom completamente nobo di Renaissance Convention Center. 

Musiconan confirma ta Buleria, ‘N Fuzion, Tsunami, DJ Edson y pa pone un ambiente total Ataniro ta uni den e line-up. Entretenamento acrobatico confirma ta e famoso RCC Aruba cu lo haci un ‘midnight show’, y Aerial Dance & Performance Aruba cu lo provee baile y actonan aerial durante henter anochi. Huespednan por disfruta di un buffet, open bar pa biña, whiskey, craft beer y mojitos.  

E fiesta aki ta e oportunidad mas grandi di KCA pa recauda fondo, pa asina por sostene diferente fundacionnan y proyectonan cu ta conta riba KCA anualmente, manera Fundacion Ban Uni Man pa Cria Nos Muchanan, Fundacion Pa Nos Muchanan, Back to School, Kiwanis One day, Pasco den bo Bario, Traffic Awareness Campaign, Clint Whitfield Outstanding Students Award, Smile Makers y e Panda Book. 

Jane Wever-Vermaas, chair di e fundraising committee di KCA:"Pa dos aña largo KCA no por a organisa e gala aki, pues no por a recauda fondo debidamente y mester a pensa otro manera pa cumpli cu nos compromisonan  na e diferente organisacionnan. 

For di comienso por ripara for di e mercado cu comunidad di Aruba a haya falta di e fiesta aki, e mesanan di VIP a bay manera pan cayente

E gala caritativo ta bay tuma lugar dia 18 di november na Renaissance Convention Center, di 8:30 pa 2:30.  

  • Powered by SETAR