OM : Sospechoso Sussebeek ta esun cu a saca e probecho ilegal mas grandi den e caso Avestruz

ORANJESTAD – Sospechoso P.T.A Sussebeek ta esun cu a saca e probecho ilegal mas grandi den e caso Avestruz Fuera di pidi castigo contra e sospechoso principal Benny Sevinger den caso Avestruz, Ministerio Publico a pidi castigo tambe contra e sospechoso Sussebeek., ex-ambtenaar di DOW, cu ta un castigo di prison di 4 aña pa soborno y labamento di placa. Banda di esey a pidi e verbeurdverklaring di un suma di placa di 1.3 miyon dollar cu a wordo tuma den beslag na un banco na Curaçao. Segun Ministerio Publico,  .Sussebeek. ta esun cu a saca e probecho ilegal mas grandi den e investigacion Avestruz. El a probecha di su relacion cu e minister y a enrikece su mes a costo di e comunidad di Aruba.