Musica: Secuencia pa prefinal di Aruba Caiso and Soca Monarch ta conoci

Posted on 11/10/2022 7:42 am AST | Updated on 11/10/2022 7:59 am AST

ORANJESTAD - Diamars anochi a tuma luga na Patio 15 e trekmento di lot pa e prefinalnan di e Aruba Caiso and Soca Festival. Stichting Musica ta anuncia cu den e prefinalnan lo tin 13 banda participando. Diasabra 12 di November na Centro di Bario Dakota lo ranca cu siguiente orden di aparicion Zeta Band, Tsunami, Mellow y Caribbean Band. Diasabra 19 Centro di Bario Playa pabao lo ta e anfitrion pa Nfuzion, Sound and More, Suona , YX3M y Buleria cu lo cera e anochi. E ultimo prefinal lo tuma luga dia 26 di November na Centro di Bario Brazil y e anochi lo keda inaugura pa Musical Time, Hot Ones Band, Azucar y Groove Masters.

 

Musico y cantantenan lo presenta durante di e 3 anochinan  un total 43 composicion nobo l 10 Caiso, 33 soca cu un total di 33 cantante masculine y 3 femenino. Ta anticipa un competencia fuerte entre e cantante y bandanan. 

 

 

  • Powered by SETAR