Botica di Servicio cu palabra di condolencia pa famianan di Ruben Garcia

ORANJESTAD – Staff y personal di Botica di Servicio ta den gran lamento mientras nan ta recorda riba nan ser keri Sr. Ruben “Scorpio” Garcia. “Ruben ta un gran amigo, un mentor y un ehempel pa e comunidad di Aruba. Pa su famia, e ta casa, tata, ruman y welo”. Segun Botica di Servicio, Ruben tabata no solamente colaborador den nan Diabetes Run & Walk pero tambe tabata un diabetico y kende a comparti hopi di su bataya cu e malesa durante e an?anan. E la cambia su estilo di bida y a bira un ehempel di con pa maneha un bida como diabetico y tambe con otronan por haci esaki den nan mesun bida.

Apesar di su malesa, Ruben a demostra cu e lo lucha te na final. Asina mes cu kebrante di salud, Ruben a continua su carera como locutor di radio y manera Ruben mes a pone un biaha “Nos ta retira ora cu Dios Ke”, cumpliendo cu esey te na final.

“Na nomber di Botica di Servicio, nos kier manda forsa pa e famia y amigonan di nos ser keri Sr. Ruben Garcia den e momento dificil aki. Cu e sosega na pas”.