Kids & Teens Christmas Song Festival 2022 ta diasabra awor

ORANJESTAD - Tur cos ta cla pa mayan atardi den Cas di Cultura nos bisti di gala y celebra e di 10 edicion di Kids & Teens Christmas Song Festival cu un total di 30 participante di cual tin 2 duo.

E an?a aki Kids & Teens Christmas Song Festival ta celebrando su di 10 y ultimo edicion di e festival di Pasco na Aruba pa mucha y hoben.

Manera tur an?a por tuma 30 participante, 10 participante den cada categoria cu cancionnan di pasco na Papiamento.

E an?a aki e di 10 edicion di Kids & Teens Christmas Song Festival lo ser dedica na KATATUMBO pa nan aporte y dedicacion na e temporada dushi di fin di an?a pa hopi an?a y pa celebra esaki engrande lo tin un solo presentacion di Katatumbo mayan den Cas di Cultura.

Tur participante ta wordo acompan?a pa e mesun All Star Band di e festival bao encargo di Sr. Danny Koolman.

Tin 3 categoria cual ta:

04 pa 07 an?a

08 pa 11 an?a 12 pa 17 an?a.

Un atardi cu ta priminti di kibra tur expectativa unda e talent di nos muchanan lo resalta.

Nos tin cu menciona cu hopi cantante hoben cu ta participando y destacando den festivalnan nacional manera entre otro den Festival di un canto na nos Himno y Bandera, Festival di Dande y otro festivalnan, ta cantantenan cu a debuta pa prome biaha den Kids & Teens Christmas Song Festival.