E barco crucero Celebrity Beyond a yega Aruba pa prome biaha awe

ORANJESTAD – Manera cu NoticiaCla.com a raporta como primicia siman pasa, awe mainta e barco crucero mas nobo di e compania Celebrity Cruises, Celebrity Beyond a yega Aruba awe mainta pa prome biaha. E la inicia su prome crucero di 9 dia den Caribe siman pasa, y tin Aruba den su itinerario. Manera cu nos portal a raporta caba, e tabata    programa pa yega Aruba awe mainta pa 8’or di mainta. E ta un bapor cu a cuminsa navega na April di e aña aki y tin un capacidad di 3260 pasahero y 1416 tripulante. E ta e di tres den e clase Edge. E barco a yega for di Europa diamars y a navega awe pa Port Everglades, Florida, pa despues e cuminsa cu su crucero den Caribe. E compania ta considere e frontera di inovacion den biahe. E ta un resort luhoso, spa y un mundo culinario riba su mes.