Gran parti di Aruba a keda sin coriente debi na fayo na WEB

ORANJESTAD - Den careda di 3'or y cuarto dialuna, gran parti di Aruba a keda sin coriente pa casi 45 minuut. Un rato despues cu e coriente a bay, Elmar a informa cu e problema ta na WEB. "Ta trata di un interupcion den produccion di coriente den planta di WEB", e compania a bisa. " Nos tecniconan ta keda ‘stand-by’ pa asina cu WEB soluciona e problema, cu nos por cuminsa suministra coriente den e areanan afecta. Nos lo duna mas update asina cu nos ricibi mas informacion" e compania a sigui bisa. Mas of menos algo prome cu cuarto pa 4, e coriente a cuminsa bolbe na varios bario. Te ainda no ta conoci kico e motibo exacto ta.